Helikòpter i avionnan nobo di Wardakosta Karibe Hulandes ta operashonal
Ultimo añanan tras di lomba a traha duru riba kòntraktnan nobo pa e unidatnan aéreo
pa Wardakosta Karibe Hulandes. Meta di a sera e kòntraktnan aki ta un provedor di
servisio konfiabel pa Wardakosta i unidatnan aéreo moderno, ekipá ku hèrmèntnan
teknológiko ku ta yuda den ehekushon di e tareanan di Wardakosta.
Na momentu di sera e kòntraktnan nobo e unidatnan aéreo a haña un modernisashon
ámplio di medionan di komunikashon i sensor. E medionan nobo ta entre otro: e
sensornan nobo, kámaranan nobo pa anochi i di dia i otro ekiponan renobá pa utilisá na
bordo. E materialnan nobo ta masha adekuá pa akshonnan di reskate riba laman, i
tambe tareanan di investigashon i supervishon.
E helikòpternan ta prosedente di e kompania Bristow Helicopters Limited. Pa medio di e
kòntrakt ku Bristow, Wardakosta a sigurá su kapasidat di vuelonan ku e helikòpter pa su
servisionan ku 10 aña. Pa loke ta trata e avionnan, Wardakosta a sera un kòntrakt ku
ISR, ku ta un koperashon entre PAL Aerospace Ltd. i e kompania Hulandes Jetsupport.
E kòntrakt aki tambe ta garantisá e servisio di e avionnan pa un periodo di 10 aña.
Wardakosta Karibe Hulandes ta kontentu ku e kòntraktnan nobo i e rekursonan abordo
pa ehekushon di e tareanan di Wardakosta.
