Despues cu decision di Hoogeraad cu a obliga islanan den Caribe Aruba, Curaçao y St Maarten tuma un ley pa matrimonio di mes un sexo, e prome pareha di mes un sexo na Curaçao a casa. Ta trata aki di Danika Marquez y Melinda Angel cu ta bira e prome pareha di e mesun sexo cu ta casa na Curaçao, esaki ta algo historico pa Corsou y pa e mundo di LGBT na Corsou.
Combersando cu diferente persona di Corsou tin un grupo basta grandi cu no ta contento, un grupo memei y un grupo cu si ta aproba e matrimonio di mes un sexo. E comunidad di Curaçao ta confundi principalmente e hende nan cu a lanta bou di normanan y di balornan diferente , pero tambe e muchanan y e hubentud cu ta biniendo na e momentonan aki ta den un dilema mental y sentimental riba norma y balornan den e comunidad di Corsou.
Na momento cu e casamento a tuma luga a pidi siguridad pa asina por proteha e pareha y cu nan por casa trankil, a cera tur porta di Kranshi na Corsou pa asina e pareha por haya e siguridad. Kico ta e impacto , emocional, mental cu e decision di Hoogeraad a haci cu e comunidad di e islanan den Caribe ta algo cu den largo plazo lo mira e efecto banda di tur e problemanan social cu e islanan tin caba.
