Awe den oranan di mainta tabata tin un persecucion tras di un sospechoso di joyriding. E persecucion no a dura largo y Polis ta logra yega na e sospechoso y ta bay over na detencion. Durante e detencion e sospechoso a resisti fuertemente contra su detencion cu a resulta cu un agente Policial di Districto di Noord a fractura su pia severamente.
Mientras tanto cu tur e luchamento e agentenan aki a logra detene e persona mientras refuerso policial tabata yega di tur skina pa reforsa nan colega. Den fraccion di seconde hopi unidad ta yega na e sitio.
Na e sitio ta bin haya un arma di candela y bala cu a wordo tuma den beslag pa mas investigacion.
Polis forensico, recherche di Noord, cu refuerso di Polis Noord, Santa Cruz, Polisnan di bario, K-9 Unit y Motor Unit, Staff di Districto di Noord Sr. Henriquez, comisario Candelaria y altocomisario di Polis drs. Ramon ARNHEM a yega na e sitio pa duna sosten.
Na mes momento e agente policial a wordo transporta pa Ambulance pa mas tratamento avansa. E agente Policial di Noord ta den bon condicion cu fractura na pia. Altocomisario Arnhem y comisario Candelaria a haci bishita na Hospital pa mira e situacion mas di cerca. Un pronto recuperacion na e agente policial di parti full famia blauw di Cuerpo Policial Aruba.
