E movecionnan pa poder di partido Raiz pa nan propio interes personal ta bisto grandemente unda cu no ta interesa nan mes di daña un structura di comunidad pa nan beneficionan personal. No ta desconoci cu topico di LGBIT tabata e baby di Misha Raymond. Dicon realmente?
Aki ta mustra cu e interes di “algemeenbelang” no ta importante mas p’e. E pensamento aki ta mustra mas bien cu unda e kier wak comunidad y pueblo ta depende si bo mes (e mes) como politico ta sano na mente y tin norma y balor pa crea un comunidad sano.
Tras di e capa Amor ta Amor e politico Misha Raymond kier a impone su pensamento riba otronan en bes di laga e opción habri, kisas via di otro sistema di escogencia (referéndum) unda e pueblo por dicidi. Riba e tema aki por a nota cu e tabata inclina hopi riba e banda di un grupo cu no ta forma e mayoría di e comunidad.
Kico por spera di un politico asina pa futuro di Aruba? Un biaha mas e Politico Misha Raymond ta demostra di no ta apto pa ta un politico, no sa kico kiermen acuerdo y of ta lubida kico el a firma p’e y para p’e na prome instante pa e sinta riba un stoel cu el a ricibi danki na partido MEP.
Awe por mira e dos cara di Misha Raymond cu ta pone un presion y kibra e propio Raiz cu e mes a planta pa forma coalicion unda cu e por a beneficia su mes y su famia cu el a hinca den gobierno. Esaki ta e tipo di politica di generacion cu Aruba merece y of tin mester?