Partido MEP a caba di tene un partijraad extraordinario y durante di e reunion a trata diferente punto. Pa loke ta trata e problema di coalicion lo bay trata prome cu partner di coalicion prome cu duna cualkier otro informacion.
Sinembargo den e reunion di partijraad a elabora riba e compromiso di cada un politico na partido movemento electoral di pueblo MEP cu ta un partido prestigioso y cu a mustra cu por goberna Pais Aruba den on tempo, mal tempo y den hopi mal tempo. Na mes momento partido MEP ta preparando caba pa e campaña cu ta bay bin nos dilanti.
Lider di partido MEP ta duna di conoce cu ta importante pa comunidad sa e nificacion pa duna partido MEP e mandato completo pa por maneha Aruba manera mester ta. Como pueblo a pidi pa saca Aruba for di e crisis economico cu e tabata aden y a cumpli cu esaki, como pueblo a pidi pa stabilisa pais Aruba y MEP a cumpli cu ne , pueblo a pidi pa crea progreso y bienestar partido MEP a haci esaki. Na mes momento a traduci su mes na un hogar di cada un di nos ciudadano nan pa asina mira con por mehora e calidad di bida di cada ciudadano. Partido MEP ta reconfirma su compromiso y ta cla pa e siguiente eleccion.