Addonsito ta gradici Milton Harms FON y Cultuur Fonds Caribisch gebied

Na nomber di fundacion Klein Aruba, Addonsito Croes ta gradici Milton Harms FON y Cultuur Fonds
Caribisch gebied na Corsou p’e sosten financiero brinda na e lansamento di su revista infantil Kiniki. E
edicion aki tin como tema “Aruba su Flora”. E edicion aki ta dedica na algun mata importante di
Aruba su flora. E weganan pa mucha tambe ta basa riba Aruba su flora.
Danki na Edjean Semeleer y Arthur Loefstok di GoCultura p’e guia den e proceso. Tambe Addonsito
ta gradici su alumno Caitlin Tromp p’e bunita pintura dje portada, su colega Mariela Carrion, Dylan
Fingal, Sandra Garcia, Nick Nuñez, Mieckey Gravenhorst y Moises Alvarado p’e cooperacion n’e
edicion aki.
Den januari 2025 tur mucha di Aruba lo tin e oportunidad di yega na e edicion nobo.