No ta prome biaha cu ta gara Marisol Lopez Tromp ta gaña den diferente aspecto y situacionnan unda cu hasta a keda condena cu caso di Chris Dammers y posiblemente lo tin un di dos condena den caso Flamingo, cu kisas e biaha aki si no lo ta un straf disciplinario pa haci trabou comunitario, mirando cu cada bes ta ripiti e mes un erornan di fomenta informacionnan falso y ta gaña organo hudicial / policial.
Pa loke ta trata e acusacion cu Marisol Lopez Tromp, Gerlien Croes, Accion 21 , AVP y RAIZ hunto den un bonchi a yama un reunion pa trata di baha prome Minister Evelyn Wevfer Croes y fomenta cu Prome Minister Evelyn Wever Croes lo ta mete den ministerio publico no ta berdad.
Un biaha mas den debate publico Marisol Tromp ta trata di gaña e pueblo pa haya nan voto abase di gañamento y insinuacionnan falso. Marisol Tromp ta colga na un carta cu corectamente cu Parlamentario Independiente, Rycond Santos Do Nascimento a coregi e parlamentario Marisol Tromp cu ta trata di colga na un carta administrativo cu no tin nada di haber di e mentiranan cu Marisol Tromp ta crea y pretende pa bruha comunidad di Aruba cu lo tin metemento den ministerio Publico.
Parlamentario Independiente, Rycond Santos Do Nascimento ta lamenta cu Marisol Tromp ta gaña Pais Aruba di e manera aki mirando cu e carta ta trata un carta administrativo y no ta trata nada di metemento den e trabou di ministerio publico. Banda di esaki Parlamentario Independiente, Rycond Santos Do Nascimento ta lamenta profundamente cu cada bes tin atakenan continuo riba e cadena hudicial di Aruba, dies paso tin politiconan cu no kier tuma responsabilidad di e erornan cu nan a haci.