Awe, djasabra 28 di desèmber, den oranan di mainta, un atrako armá a tuma lugá riba un joyeria situá den Kaya Grandi. Dos hòmber bistí ful na pretu, kara tapa i armá ku arma di kandela, a drenta e joyeria i a kibra vários vitrina. E sospechosonan a logra bai ku diferente prenda despues di kua nan a subi un pikòp dòbel kabina koló shinishi ku a kore bai bou di velosidat haltu den direkshon nort riba Kaya Grandi/Bulevar Gobernador Nicolaas Debrot. Algun ratu despues a topa ku e pikóp aki, kimá, den besindario di Ser’i Angola.KPCN ta pidi kualke persona ku por a mira, tende òf sa algu di e suseso aki, pa tuma kontakto ku polis via 715 8000 òf via di e liña di tep anónimo 9310.
Atrako armá riba joyeria situá den Kaya Grandi na Boneiro
