Awe, djárason 29 di yanüari, den oranan di mainta e ‘Groep Bijzondere Opdrachten’ (GBO) i Tim di Aresto a tene un akshon.
Durante dos entrada hudisial tabatin dos detenshon
E promé detenshon ta en konekshon ku e investigashon di e kasonan di tiroteo ku a tuma lugá ultimamente. A detené un hòmber di inisial S.R.A.V. di 28 di edat pa violashon di Lei di Arma BES. En konekshon ku e detenshon aki a tene un entrada hudisial na un kas situá na Kaya Konfó. Aki a konfiská un arma di kandela.
E di dos detenshon ta en konekshon ku e promé akshon di listramentu preventivo kaminda a konfiská un arma. A detené un hòmber di inisial J.L.N.T.D. di 23 aña di edat pa violashon di Lei di Arma BES. En konekshon ku e detenshon aki a tene un entrada hudisial na un kas situa na Kaya Mandolin. Investigashon den ámbos kaso ta kontinuá.