Gobierno di Sint Maarten a haña informacion amplio di e tareanan y responsabilidad nan di Defensa y Guarda di Costa den e region aki.
Durante un serie di informacion, a discuti e procedura di asistencia, e opcionnan di desplegashon y e capacidadnan di tur dos organisacion. E enfoke tabata riba e rol cu Defensa y Guarda di Costa por hunga pa Sint Maarten como organisacionnan di Reino den contribui hunto na siguridad y stabilidad.
Como cu e Conseho di Minister actual a wordo nombra for di november 2024, tabata importante pa duna un bista cla di e rol cu Defensa y Guarda di Costa por hunga den asuntonan di siguridad y situashonnan di emergencia den y rond di e pais Sint Maarten.
Comandante di Marina den Caribe, Commodore Walter Hansen, ta corda riba un encuentro exitoso: “Ta un honor pa nos por duna e informacionnan aki y aprecia e bon cooperacion cu e pais pa traha riba siguridad na Sint Maarten”.
E intercambio di conocemento aki ta contribui na e bon cooperacion entre e gobierno di Sint Maarten, Defensa y Guarda di Costa Caribense.
