Recientemente Prome Minister Evelyn Wever-Croes tabata tin e honor di ricibi na bestuurskantoor 21 miembro di e organisacion Women Empowering Women (WOW). E miembronan di e organisacion aki ta hendenan muhe profesional cu ta hopi dinamico den sociedad riba diferente tereno, specialmente ora ta trata di empodera hende muhe.
Prome Minister a indica cu e organisacion aki ta reuni regularmente y a invitanan pa bin bishita bestuurskantoor. Na yegada nan a haya un recorido di e luga na unda nan por a mira e espacio na unda e crisisteam tempo di covid a reuni, e sala na unda ta tene e conferencianan di prensa pa despues termina den e sala di conseho di minister.
Durante nan bishita, Prome Minister a duna nan un presentacion di e “State of Affairs” di Aruba pa asina nan por tin. un miho bista di con Aruba su economia y finansas ta na e momentonan aki. Despues di e presentacion, e mandatario a hiba un combersacion cu nan splicando nan con en realidad ta pa traha pa su persona como hende muhe den un posicion di lidersago y kico ta importante pa tene cuenta cune ora ta trata di lidersago femenino. Nan tabata tin hopi pregunta cu Prome Minister a contesta debidamente.
“E tabata un atardi hopi ameno. Mi tin un admiracion grandi pa e organisacion aki y pa su miembronan pa tur loke nan ta haci, specialmente riba e tema di empoderamento di hende muhe, y mi ta deseanan hopi exito” Prome Minister a expresa.
