Cas di Cultura ta orguyoso di yama Mark Rodgers, e curador renombra y contado di cuenta di e Da Vinci Michelangelo Experience, bon bini na Aruba. Rodgers a yega oficialmente na e isla ayera y a cuminsa e emocion cu un rueda di prensa, ofreciendo un pre-visualisacion di e programa tan anticipa.
E Da Vinci Michelangelo Experience ta un biahe multimedia captiva atraves di bida y obranan di dos di e mentenan mas grandi di historia, Leonardo da Vinci y Michelangelo. Pa medio di contamento di historia, imagen, animacion y video, Rodgers ta trese nan genio atemporal na bida, mustrando con nan ideanan ta sigui influencia e mundu moderno.
“Esaki ta mas cu djis un les di historia—e ta un exploracion di creatividad, inovacion, y e potencial ilimita di e mente humano.” “Mi ta entusiasma di por comparti e experiencia aki cu e pueblo di Aruba,” Mark a bisa.
E show lo tuma luga na Cas di Cultura diasabra 29 di maart pa 7’or di anochi, ofreciendo publico un oportunidad unico pa mira historia y arte haya bida riba escenario. Carchinan ta obtenibel awor, y e asistentenan ta wordo encurasha pa reserva trempan pa sigura nan asiento pa e experencia unico aki.
Pa mas informacion y reservacion di carchi, sigui Cas di Cultura riba nan rednan social.
