Diadomingo anochi pa mas o menos 7:45 central di polis ta wordo informa di un accidente pisa entre auto y brommer riba e caminda principal di Savaneta riba e crusada pa bay piscina Olimpico Savaneta.
Di biaha ta despacha patruya di Polis como tambe ambulance na e sitio di e sucedido.
Na yegada polis a topa e chauffeur di e brommer cu no tabata duna señal di bida.
Ambulance ta yega na e sitio pero no por a haci nada mas pa e victima.
Dokter a presenta na e sitio y ta constata morto di e chauffeur di e brommer.
Ta trata di e homber Dennis Leonel C. Vakkers naci na Hulanda 18 november 1968 (56 aña).
Specialista di Trafico como tambe polis techinico, slachtofferhulp, fiscal, hefe di trafico y altocomisario di polis sr Arnhem a presenta na e sitio di sucedido.
E caso ta bao investigacion.
Cuerpo Policial Aruba ta manda palabra di condolencia na famia di e fayecido.
