Arubaanse Voetbal Bond (AVB) ta un afiliacion di clubnan di futbol Arubano, funda oficialmente dia 29 di januari 1932. Su prome presidente tabata dokter Coco Arends. AVB ta afilia na CONCACAF desde 1986 y na FIFA desde 1988.
E organisacion di AVB ta maneha futbol amateur na Aruba, incluyendo tanto adulto como muchanan, hoben y hende muhe. AVB ta yuda pa organisa y desaroya futbol en general na Aruba y ta duna sosten y conocemento na un y tur cu ta asocia cu e deporte di futbol na Aruba, en especial su clubnan miembro.
AVB ta responsabel pa sanciona e torneonan futbolistico organisa pa mayoria di e liga. Campeonatonan ta entre otro esun di e liga di Division di Honor, Division Uno y Division Damas. Ademas AVB ta organisa Copa Betico Croes y Copa ABC. Na 2012 AVB tabata organisador di e torneo ABCS, teni na Aruba. E ta responsabel tambe pa e diferente seleccionnan nacional, tanto homber, hende muhe y olimpico.
Dia 23 di juli proximo e mundo deportivo di futbol mester dicidi si nan ta sigui den e mes un rumbo cu Arubaanse Voetbal Bond (AVB) ta actual, Of e clubnan ta vota pa un aire fresco pa un futuro di nivel nobo den AVB.
Diasabra awo club nan por vota pa dos team cu oficialmente ta bay eleccion pa dirigi AVB den futuro.
Sinembargo clubnan mester ta mas consciente y ta na altura di e berdad y e realidad cu a ser hunga durante varios aña. Di e dos grupo cu tin cu ta postula nan mes, si mester analisa ambos team tin un diferencia grandi entre nan.
E Team 1 nobo cu pasion pa futbol na Aruba ta : Jomar Boekhoudt ,Devin de Veer,Grasita Griffith,Eugene Farro,Raymbert Bikker,Earnie Panneflek,Ross Franken.
E team 2 ta trata di : Randolf Lacle, Rudselyne de Kort ,Jermaine Molina,Dyanne Wiersma, Hubert Solognier,Michelle Every y Shemuel Koolman.
Team 1 ta un grupo di hobennan nobo profesional studia y cu ambicion pa yuda eleva deporte di futbol na Aruba y cu nan record ta limpi. Sinembargo Team 2 ta un team bieu, den boca di pueblo ta yama nan e team di avestruz. Importante pa clubnan sa y compronde na momento cu vota pa mes un cos ta e mes un resultado lo haya y e resultadonan ta bisto den tur loke ta pasando cu e team 2 cu ta maneha den AVB e ultimo añanan.
Team 2 tin tres persona tradicional , esta Randolf Lacle , Hubert Solognier y Dyanne Wiersma ,cu tur tres ta responsabel pa e problemanan grandi interno den AVB. Randolf Lacle tin mas di 20 aña den AVB unda cu e la pasa den tur departamento di AVB y den tur departamento di AVB bou di presidentenan anterior nan mester a hale di su cargo. Awe Randolf Lacle ta presidente di AVB danki na e clubnan cu a vota pe y cu AVB ta den e situacion devastador cu e ta awe.
Pa loke ta trata Dyanne Wiersma cu a postula su mes pa Vice Presidente a drenta AVB como coordinador di futbol di hende muhe di AVB, den un cera di wowo a laga su funcion di coordinador pa e la bira secretario general. Sinembargo si e clubnan y mayornan ta kere cu sra Dyanne Wiersma ta un ehempel pa e mucha muhe nan y ta para na defensa di e muchanan? , tin mayornan te dia di awe ta disgusta y cu a saca nan yiu for di futbol damas, unda cu enbes cu e coordinador Dyanne Wiersma a para tras di su propio rapport cu e la skirbi kico a pasa den e chatgroup cu un potret no bunita y tampoco decente cu a tuma luga na St Domingo?. Aunke e situacion aki a pasa algun aña atras ta importante pa mayornan bolbe bin dilanti.
Dyanne Wiersma a laga e hobennan deportista y su rapport cay unda cu a delete e rapport pa por haya e puesto di secretario general , despues a manda un e mail ofende henter AVB y a saca un comunicado den prensa cu e no por traha cu AVB paso nan ta boicotia trabou den AVB, tambe a manda un e mail na tur club na Aruba cu dirigentenan di AVB no ta na caliber, nan no ta interesa pa drecha futbol, pero ta interesa den nan club so y pa nan no skirbie mas paso e ta cla cu futbol, pero awe pa sorpresa ta wak cu ta postula su mes como vice presidente , cu e mes un grupo cu e la ofende , awo ta ki tipo di chupabebe a priminti Dyanne Wiersma ?, esey ta un pregunta cu ta keda den laira.
Pa loke ta trata Hubert Solognier e ta un di e personanan responsabel como secretario general di e relato financiero 2022-2023 hunto cu presidente di AVB Randolf Lacle cu te awe no a yega sala . Tanto Randolf Lacle , Hubert Solognier y Dyanne Wiersma ta responsabel di e pago cu nunca no a tuma luga na belasting y cu te awe nan no por hustifica unda e fondo di belasting ey a bay. Na mes momento Hubert Solognier ta miembro di ASU , miembro di FFD cu porciento tin un investigacion andando riba e directiva di FFD cu Hubert Solognier ta parti di dje.
Tur cos ta den man di tur teamnan di futbol na Aruba, si berdaderamente Teamnan di futbol di Aruba kier un cambio y kier wak un otro direccion di futbol , esaki kiermen ta tempo pa kita tradicion y ta tempo pa duna oportunidad pa aire fresco den Arubaanse Voetbal Bond (AVB), pesey votacion tin validez , vota consciente, vota pa boso como team nan na Aruba bay dilanti. No kere den storia , kere den accion.
