prome lustro di dia mundial di diversidad cultural pa dialogo y desaroyo Diasabra 17 di mei 2025 riba Plaza Betico Croes iniciando pa 5or mey di atardimey di atardi
“Multiculturalidad ta nos rikeza di mas grandi y ta genera un dialogo sincero cu ta presenta como e brug cu ta hiba nos na un futuro di paz, unidad y desaroyo duradero”
Departamento di Cultura Aruba orguyosamente ta anuncia e di 20 Aña di Celebracion Nacional: Encuentro Multicultural Aruba 2025 y Prome lustro relaciona cu Celebracion di Dia Mundial di Diversidad Cultural pa Dialogo y Desaroyo Declara pa UNESCO. E Proyecto aki ta auspicia pa Ministerio di Cultura Aruba, presenta pa Departamento di Cultura Aruba, Cuerpo Consular Aruba y Gruponan Folklore- Cultural estableci aki na Aruba.
Nos tin 3 fecha pa realisacion di actividad cu ta separa di otro, na unda riba diasabra 17 di mei lo tene e actividad Feria Gastronomico y Show Multicultural Aruba, na Plaza Betico Croes, cuminsando pa 5:30pm cu acto protocolario, entrada di bandera y Himno Nacional, sigui pa e show Multicultural te cu 11:00pm. Ariba diaranson 21 di mei cu ta dia di Diversidad Cultural; lo haci un oracion pa paz y unidad na unda na final tambe lo entrega e reconocemento na tur participante cuminsando for di 7:00pm pa 8:00pm na John F. Kennedy Education Center.
E dia aki, tur grupo lo hiba un mensahe di Paz Mundial cu lo documenta pa manda na UNESCO Internacional na unda tur participante ta refleha e balor cu Aruba tin como pais chikito capaz pa integra y cu ta para tambe pa paz y unidad. Y como parti di clausura, e Grupo Multicultural Aruba ta forma parti di e tradicional parada den e Aruba Art Fair, ariba dia 7 di september 2025. E gruponan cu ta participando den e Encuentro Multicultural ta entre otro: El Duque Victor Samuel – Spaña, Afro Tambor – Venezuela, Grupo di Baile Dabaruida & Fundacion Rosea Cultural – Aruba, Gucci Dancer’s – Aruba, Comunidad Wayuu – Colombia-Venezuela, Grupo Niti Gupta – India, Grupo Cultural di Filipinas – Filipinas, Vallenato Plus – Colombia, Curaçao Uni – Curaçao, Club di Movimiento y Empower Arts Aruba – Aruba- Alemania, Aruba- Gihae Team, Consulado Republicana Dominicana representa pa Pitbull Singing Production Ruth Garie, Brigada de Bomberos Voluntario del Caribe representa pa Carolina Rodriguez, Fundacion Grupo Folklore Dominicano, Pierewietje y Flash – Aruba, VeneAruba Solidaria, Ronald el Serenatero -Venezuela, Fundacion Petronio Alvarez Internacional – Colombia, TakiriPeru Folk Danzarte (Grupo de Baile Folklorico) – Peru, Fundacion Fiestas Patrias Peruanos na Aruba, Agrupacion Danzarte Venezuela, Grupo Foklorico Primavera – Portugal, Las Quisqueyanas-Republica Dominicana, Expresion Folklorico Viva Venezuela, Fundacion Vida Abundante, Multicultural, Associacao di Capoeira Nova o Aruba – Brazil, Club di Movimiento Samanta Westea Juppa – Brazil, Fundacion Drecc – Colombia, Aruba Dance Studio – Cuba, Heritage Center Club Boneriano – Bonaire, Angela Baides – España, Mariachi Reyes de Aruba Ernan Angela – Mexico, Scol di Musica Rufo Wever, Caribean Combo, Grupo Suriname, “MARRON” y Tian You Aruba, entre otro.
Ariba Plaza Betico Croes lo tin diferente tent di artesania y cuminda di entre otro:ente otro: Aruba, Bonaire, Curaçao, Brazil, Colombia, Philippina, India, Peru, Portugal, Republica Dominicana, Suriname, Venezuela.
E lema central cu ta compaña nos celebracion ta e frase celebre di nos prome director di Departamento di Cultura Aruba cu ta cita : “Pone e Arubiano na altura di su cultura y siña conoce di otro, Hubert (Lio) Booi (dfm).
Convenci cu e “E rikeza di nos pais ta nos multiculturalidad” nos lo sigui construi brugnan di vinculo, respet y entendemento mutuo den un encuentro na unda nos por sigui genera un dialogo cu por hiba nos na un desaroyo duradero di paz y unidad como un berdadero fuente di speransa na bienestar y desaroyo di paz y unidad di tur e pueblonan di mundo.
Diversidad cultural no ta un obstaculo, sino un riqueza y di e manera aki nos multiculturalidad no ta solamente visibel den nos idioma, fiesta of aspectonan culinario, e ta bay mas aya, manera nos manera di pensa, solucion di conflicto y nos balor pa comunidad y tur esaki y mas nos por disfruta den nos celebracion cu pa mas di 20 aña nos ta sigui duna contenido. Den un mundo caminda guera, diferencia di opinion, conflicto y desunion ta reina; Aruba ta bira testigo di un realidad cu yen di speransa. Cu e rikeza di nos multiculturalidad, nos isla ta keda mustra cu nos diversidad no ta un obstaculo, sino un puente.
“Encuentro Multicultural Aruba” ta nace for di diferente vision y mas cu solamente un necesidad, lo keda un medio pa dialogo, respet mutuo y conocemento profundo di nos mes y otro, na unda nos por construi un futuro di paz duradero y di unidad real.
E proyecto aki mas cu’n yamada, ta bira un invitacion habri pa pueblo y cultura di tur pais estableci aki na Aruba, por bini hunto na un mes espacio pa comparti historia, tradicion, arte y cultura. Cu e celebracion di 20 aña, Aruba ta bira e plataforma universal caminda tur bos tin balor, tur raiz tin luga y tur hende por sinti su mes parte di un comunidad mas grandi, humano y solidario. Den e encuentro aki, nos ta sembra e semia di confiansa, tolerancia y amor. Cu esperansa cu e proyecto aki lo keda crece, floria y duna fruto, pa tur pueblo den mundo cu ta busca pas y union riba fundeshi solido di respet y comprencion.
Pa mas informacion y of cualkier pregunta por yama libremente na Lider di Proyecto sr. Jhon Freddy T. Montoya na number 565-6903.
