E muchanan a disfruta di nan vakantie y awor ta prepara pa bay scol bek . Pa e motibo aki mes coordinador di evento na Biblioteca Nacional Glenda Zavala ta anuncia cu Biblioteca Nacional tin un evento specialmente pa e muchanan dia 12 di Augustus completamente gratis.
E evento cu Biblioteca Nacional ta prepara ta un Back to School pa tur mucha. Mayornan cu kier trece nan yiunan biblioteca nacional pa pasa un dia alegre por haci esaki sin inscribi e mucha. Tin un programa hopi bunita cu ta kerekentenchi, payaso loco loco , e pushi preto cu lo conta storia y haci diferente actividad pa e muchanan. Tambe tin fundacion creciendo cu lo inscribi muchanan di menos recurso pa nan por ricibi un tas pa bay scol. E invitacion ta keda na mayornan pa trece nan yiunan pa forma parti di e evento Back to School cu Biblioteca Nacional a prepara pa nos muchanan.