Aruba ta habri aña escolar 2025-2026 pero tin un realidad cu no tin suficiente docente e aña aki pa tur mucha. Segun Eduard Pieters di fraccion di PPA e por a tuma nota cu tin basta preocupacion y cu tin basta vacaturanan cu a Sali. Sinembargo no ta for di awo Aruba tin e problematica cu no tin suficiente di docente pa e “kunde vakken”. E docentenan aki ta docentenan cu experticio cu bo no ta haya facil y pa es motibo aki mes tin vacaturanan habri pa por haya e docentenan pa por duna e lesnan riba un nivel y calidad cu mester ta.
Sinembargo di otro banda ta tuma nota cu minister Gerlien Croes ta den exterior, pero cu fraccion di PPA ta asumi cu e ta teniendo cuenta riba e situacion cu tin na Aruba riba e scarsedad di docentenan cu tin pa por cuminsa aña escolar nobo.
Fraccion di PPA no ta na altura si minister tin comunicacion cu DPS y si a duna instruccion pa por busca docentenan pa e aña escolar aki. Scol ta algo hopi importante pa nos muchanan y ta puntonan cu nos mester wak hopi bon y mester tuma e situacionnan aki hopi na serio.
Segun Eduard Pieters di fraccion di PPA Tin algun scol tin escasez di docente, pero tin otronan cu tin dimas. Na momento cu tin e desbalanse aki mester atende cu e situacion , pero e realidad ta tambe cu na momento cu e minister di enseñansa ta den exterior no por atende cu e situacion di prioridad di Pais Aruba den enseñansa pa un aña escolar habri manera debe ser. Minister di enseñansa mester ta na su pais pa por atende cu e asunto aki.
Eduard Pieters di fraccion di PPA ta kere tambe cu mester mira den e fundacionnan cu ta subsidia door di gobierno pa duna enseñansa, pero tambe e scolnan publico, mester haci un bon inventarisacion pa wak kende nan tin den dienst , kico falta y busca strategicamente y efectivamente loke cu Aruba tin falta di dje y wak kende por haya den dienst pa e les nan por sigui.
Sinembargo no ta na Aruba so tin e problematica aki cu tin falta di docente pero mundialmente no tin e motivacion di hende nan pa bira maestro. Lamentablemente mundialmente tin e problema aki . Eduard Pieters di fraccion di PPA ta kere cu na Aruba por haci mas pa duna e maestro e rol di ta un maestro , duna atencion y balora mas su capacidad y empeño cu e ta duna den klas pa asina nan keda motiva y asina motiva otronan pa bira maestronan pa educa nos futuro generacion.