Parlamentario Edgar Vrolijk den parlamento ta indica cu gobierno di AVP –FUTURO ta manera sinta riba un webo y ta pura pa entrega Rijkswet , pero e realidad ta cu parlamento a entrega gobierno di AVP –FUTURO un Rijkswet geschillenregeling y no a scucha cu aa entrega esaki ainda. E Rijkswet geschillenregeling parlamento a duna ordo pa entrega esaki na Hulanda , pero no ta mira cu e gobierno di AVP-FUTURO a entrega esaki , pero kico e gobierno actual aki a haci cu e parti aki unda cu Parlamento di Aruba a duna e OK pa entrega di e concepto aki?.
Tambe den parlamento di Aruba parlamentario Rocco Tjon ta indica cu Minister Gerlien Croes ta mal informa parlamento y pueblo di Aruba riba e proceso y ta papia di puntonan cu no ta cuadra. E reunion pa trata Rijkswet ta un peticion di fraccion di MEP y PPA , pero fraccion di AVP ta pidi pa para e reunion aki y na unda cu presidente di parlamento cu ta forma parti di AVP ta bay diacuerdo cu esaki tambe. Esaki ta un manera di proceder normal den parlamento ? husto ? democratico ? of tin hopi malicia den procesonan cu ta tumando luga tanto den gobierno y parlamento di Aruba?
Lider di fraccion di MEP Evelyn Wever Croes ta indica cu mirando cu e gobierno di AVP –FUTURO no ta haci su trabou pa informa parlamento di Aruba corectamente , su persona como ex prome minister di Aruba a haci entrega di un file unda cu tin tur informacion for di un comienso y te na unda cu e laga e negociacionnan ta trata aki di e documento “Time Line CHE-COHO-RAFT –Hibride Rijkswet 2020-2025 “cu ta contene datos , tur e documentarionan necesario pa por sa kico tur a pasa y con a negosha cu Hulanda. Lamentablemente tanto fraccion di FUTURO y mayoria di fraccion di AVP ta parlamentarionan nobo y nan no ta bon informa y gobierno cada biaha ta nenga di duna informacion.
