Minister Geoffrey Wever ta yama un destaho public riba cartera di Minister Rene Herde cu ta e minister encarga cu infrastructura y tur proyecto commercial ta cay bou di Minister Rene Herde , sinembargo Minister Geoffrey Wever kier briya cu pluma di otro y cartera di otro, esaki lo ta e motibo cu Minister Geoffrey Wever a haci e plan malign di no pasa LIM den parlamento manera mester ta, asina e mandatario por pone precion y schovel atrabes di un ok di Minister Herde y of MinisterRaad, esaki nan kisas ta e motibonan cu no ta pasa e LIM berdaderamente na Aruba? Minister Geoffrey Wever ta keda trapa riba e partido di mas grandi den cualicion AVP , y mas tristo ta permiti esaki tambe pa miedo di laga gobienro cay. Dicon realmente AVP tin miedo pa Gobienro cay siendo di ta un partido mas grandi cu FUTURO ? . Mnister Geoffrey Wever ta focus solamente pa su interesnan briya aunke e tin cu tapa di otro.Plan nan cu inicialmente no ta e vicion di partido AVP, plan nan a wordo cambia for di boluntad ?
Mientras cu ta lansa proyectonan cosmetico Aruba ta bibando un realidad tristo. Nos hobennan den situacion critico, departamentonan di gobierno cu no ta reenforsa, no tin material , no tin personal, no tin ekipo pa traha. Costo di bida halto, a kita absobacion di gasolin, aparato gubernamental ta traha riba un liña di personal minimaal, y asina por keda menciona riba loke ta e producto Aruba y e maneho Aruba, pero por mira claramente Minister Geoffrey Wever ta enfoca solamente riba proyectonan di construccioncu no ta ni cay bou di su carteranan, lubidando cu e ser humano cu ta biba na Aruba si e no ta bon , ni cuanto turista bini ningun compania no lo sobrevivi, companianan ta depende di e pueblo di Aruba y e turista cu ta bin, pero e turista lo bisita e luga 1 biaha y si e comunidad Arubano no ta stabiel , nan no lo duna e servicio miho na e turista tampoco.
Lamentablemente hopi mucha ta forma parti di gangnan cu ta causa violencia y tiramento na Aruba
E situacion di criminalidad hubenil ta hopi preocupante. A sali na cla cu muchanan ta keda sin bay school y ta forma parti di gangnan na Aruba. Por a compronde cu hopi mucha ta keda sin bay school pa bay forma parti di gang pa asina nan ta sinti nan mes cu status, respet. Gobierno a inverti den e parti social nan aki ? of a kita placa for di e parti social nan aki? Awe tin un destaho publico riba un proyecto bunita, pero e criminalidad hubenil na Aruba ta crece, e turista tuma nota di esaki lo e bishita Aruba?
Hopi di e gangnan ta dedica den asuntonan di droga, maltrato y tiramento. Recien Aruba a wordo sacudi cu dos caso di asesinato di hoben tras di otro. Ministerio Publico den su rapport ta mustra e preocupacion grandi cu tin pa cu criminalidad hubenil.Pero realmente kico a wordo haci cu e parti aki , a inverti placa den nos hobenan?
Mientras cu minister Geoffrey Wever ta keda cu e vision pa proyectonan cu ta piedra y sament criminalidad ta concentra den 8 bario. Riba orden di Procurador General mr. Flanegin di Ministerio Publico, e experto riba criminalidad, dr. Henk Ferweda di Bureau Beke, a haci un investigacion profundo na Aruba y a traha un rapport riba e criminalidad den hubentud. Gobienro di Aruba y parlamento di Aruba a tuma nota di esaki ?
E rapport ta mustra cu, criminalidad na Aruba ta concentra diferente barionan esta: Pos Chiquito, Sabana Basora, Cayennastraat, Village, De Vuyst, Madiki, Dakota y Sero Patrishi. Mas cu mita di e casonan ta relaciona cu maltrato, menasa y violencia publico. Loke ta preocupante ta e posecion di arma di candela cu ta sigui crece. Armanan ta bin for di Venezuela y Colombia. Sinembargo awe ta habri frontera cu Venezuela den un momento cu e Pais ta mas critico debi na e teremoto cu a tuma luga na Venezuela y Colombia ainda no a cuminsa exigi VISA pa por drenta Aruba mirando e iregularidadnan cu ta tumando luga ultimamente detencion cu un cantidad di droga porehempel.
Tambe hende muher ta hopi mas envolvi den mas casonan di criminalidad.
E rapport ta mustra cu e cantidad di hende muhe envolvi den criminalidad a aumenta. Na 2024 el a subi na 25 %. Na mes momento ta constata cu hopi hende muhe ta bira victima di maltrato.
Tin 15 pa 16 gang activo den barionan. E investigacion ta mustra cu e situacion economico na Aruba ta depende di turismo. E gastonan halto pa por tin un bida normal y e entrada abao riba mercado ta haci cu hopi famia ta consisti di e mama so, kende ta haci diferente trabao pa por mantene e famia. Esey ta trece cun’e cu no tin suficiente supervision riba e muchanan cu e consecuencia cu muchanan ta keda sin bay school y ta bay forma parti di gangnan. E muchanan ta forma parti di gang pa busca identidad, respet y union pafo di school y famia. Sinembargo tampoco gobierno di Aruba y tampoco parlamento di Aruba no ta busca un caminda pa Aruba beneficia di entradanan cu e sector hotelero ta gana y manda afo sin cu Aruba ta haya e placa di turismo realmente den caha pa yuda su pueblo. Tin hopi turista ta bin Aruba berdad , pero Aruba y e ciudadanonan cu ta biba na Aruba no ta beneficia di e turimo di Aruba, pero realmente kende si ta beneficia di e placa bruto di turismo cu Aruba ta trece?
Tin 15 pa 16 gang den barionan na Aruba y muchanan ta sinti nan mes cu poder y status, formando parti di gang. E gangnan ta envolvi den droga, menaza, maltrato, uzo di arma di candela. Esaki por afecta e turismo?
Esaki ta un desaroyo sumamente preocupante y Procurador General di Ministerio Publico a informa Minister di Husticia di e situacion y e problemanan cu ta confrontando pa por atende debidamente cu e problema serio aki.
Esaki ta practicamente e modelo cosmetico cu tin na Aruba ta prefera di anuncia un proyecto di piedra y sament enves di inverti den e pueblo di Aruba pa mañan tin un fundeshi di piedra y sament fuerte pa e futuro di Aruba.