Segun Departamento Meteorologico di Sint Maarten (MDS), un onda tropical moviendo direccion pa Antias Menor tin chens di desaroyo den e prókimo dianan pero na e momento aki no ta forma un menasa directo pa e pais.
Oficina di Maneho di Desaster (ODM), cu ta cay bou di Cuerpo di Bombero (Ministerio di Asuntonan General) encabesa pa Hefe di Bombero/Coordinador di Desaster Clive Richardson, ta haci un yamada na tur residente y compania pa monitoria informe di tempo di cerca ya cu nos a drenta e pico di temporada di horcan den Atlantico cuminsando mitar di augustus.
Pa informacion oficial relaciona cu tempo, bishita e website di Departamento Meteorologico di St. Maarten (MDS): www.meteosxm.com of bishita nan pagina di red social Facebook.com/sxmweather/
Bo tin tempo awor pa prepara na tempu pa e lunanan pico di temporada di horcan. Corda cu ta un solo horcan ta nifica un temporada malo. E periodo pico di temporada di horcan ta di mitar di augustus pa mitar di october.
E nombernan di tormenta restante pa e temporada di horcan 2026 den Atlantico ta: Dolly, Edouard, Fay, Gonzalo, Hanna, Isaias, Josephine, Kyle, Leah, Marco, Nana, Omar, Paulette, Rene, Sally, Teddy, Vicky y Wilfred.
Ta urgi comunidad pa siña mas tocante peliger di horcan y con pa prepara pa un tormenta/horcan dor di bishita e website di Gobierno: www.sintmaartengov.org/hurricane unda lo bo por baha bo “Hurricane Season Readiness Guide” y “Hurricane Tracking Chart”.
Sucha e radio station di Gobierno – SXMGOV 107.9FM – pa informacion oficial y noticia prome, durante y despues di un horcan. Bo por sigui tambe noticia y informacion relaciona cu tempo como tambe discurso nacional di Prome Minister, presidente di e Centro di Operacion di Emergencia (EOC) bayendo riba e pagina di Facebook @SXMGOV.