Ministerio di Vivienda Publico, Planificacion Espacial, Ambiente y Infraestructura (VROMI), Departamento di Trabou Nobo, ta informa pueblo, particularmente residente di St. James Road, Middle Region, cu trabou di carretera lo cuminsa como parti di e Concrete Hard Resurfacing Project.
E trabou ta programa pa cuminsa djaluna 27 di oktober 2025 y ta spera cu lo dura aproximadamente tres (3) siman, dependiente di condicion di clima y situacionnan no anticipa. E trabou aki ta parti di e esfuezonan continuo di e Ministerio pa mejora infrastructura di carretera, amplia drenage, y duna un via mas seguro y duradero pa tur conductor y peatón.
Pa facilita e ejecucion suave di e proyecto, St. James Road lo ta sera diariamente di 7:00 a.m. te 4:00 p.m. durante e periodo di construccion. Residente y conductor ta pidi pa tuma e arreglonan necesario pa evita demora y pa sigui e rotulonan y direccionnan di trafico cu ta wordo duna pa personal riba sitio.
Un desvio temporal lo wordo crea na cuminsamento di Mount Repose Drive, pa permite acceso y continuacion te na e carretera principal, Middle Region Road. E desvio aki ta diseña pa sigura cu residente y vehiculonan di emergencia por drenta y sali cu seguridad mientras e trabou ta bai den curso.
Durante e periodo di construccion, e concreto lo wordo pone den seccionnan. E metodo aki ta sigura cu cada seccion ta keda bon cura y completa promé di pasa pa e otro, pa asina mantene e calidat y durabilidad di e via.
Ministerio di VROMI ta expresa su gratitud pa e pasenshi y cooperacion di tur residente y conductor durante e periodo aki. Bo comprension ta vital mientras nos ta sigui traha pa amplia y fortalece e red di carretera di nos isla pa beneficio di tur comunidad.
Informacion Importante:
– Proyecto: Concrete Hard Resurfacing Project, St. James Road, Middle Region
– Fecha di Cuminsamento: Djaluna 27 di oktober 2025
– Duracion: Aproximadamente 3 siman
– Cerramento di Carretera: 7:00 a.m. – 4:00 p.m. diariamente
– Desvio: Via Mount Repose Drive, conectando cu e carretera principal
– Aviso: Sperá demora den trafico; sigui e rotulonan y direccion di personal riba sitio
Press release: Gobièrnu van Sint Maarten