E Fundacion Fortaleza pa Famia a cuminsa recientemente un proyecto grandi pa yuda persona cu ta enfrenta problema social of adiccion, cu un enfoke special riba hende muhe.
Pastor Marcel Baloontje, representante di e fundacion, ta contento pa e inicio di e iniciativa, resaltando e importancia di duna asistencia na esnan cu mas mester den comunidad.
E proyecto tin como meta ofrece orientacion, apoyo psicologico y recurso pa reintegrasion social, cu e obhetivo di fortalece e structura familiar y social den region.
Actualmente, contratistanan ta desmantela e trailernan pa transporta nan na e tereno unda e proyecto lo tuma luga. E trailernan lo wordo uza como oficina y luganan di entrenamiento, mientras e edificionan di bloki lo wordo construi pa e clientenan por keda durante e programa. E trailernan lo sirbi tambe como espacio pa recreacion y actividadnan pa e participante.
Durante su dos aña di existencia, Fundacion Fortaleza pa Famia a yuda hopi famianan y ta sigui comprometi pa sostene yuda social. E fundacion ta invitando tur esnan cu kier contribui pa e realisacion di e proyecto pa haci un donacion libremente riba e cuenta di banco CMB 67979308.
