Biblioteca Nacional Aruba ta invita comunidad pa bishita e exposicion di artista visual Lucia
Lacle. Esaki ta habri dialuna awor y lo ta habri te fin di maart 2026. Sra. Lucia Lacle ta presenta
un coleccion di 40 cuadra hopi colorido y expresivo. Titulo di su exposicion solo ta ‘Soul
expression’. Publico por wak cuadra y dibuho pinta cu diferente tipo di material manera acrylic,
oil, watercolor y charcoal, cada un ta duna un resultado diferente.
‘Soul Expression’ ta refleha Lucia su desaroyo artistico personal. Tin obra cu paisahe,
naturalesa y flor, still life y tambe portraits den diferente estilo/composicion manera realismo y
poco abstracto. Otro obra ta expresa emocion, movemento y color. Hunto nan ta mustra su
balansa y libertad. Lucia Lacle ta pinta mas cu 40 aña caba. Esaki ta su prome exposicion solo
pa publico.
E exposicion ta habri durante orario regular di biblioteca. Lucia Lacle lo ta presente pa duna un
recorido y splicacion, diaranson atardi, dia 11 di maart di 5or pa 7or y tambe Dia di Himno y
bandera di 9or pa 11or.
