Tin critica fuerte desde diferente sector di sociedad riba e actual gobierno di coalicion AVP–FUTURO, unda algun voznan ta expresa preocupacion riba e direccion politico cu pais Aruba ta tuma.
Historia a mustra cu cada bes cu AVP ta den gobierno, tin decisionnan no semper ta resulta faborabel pa desaroyo di Aruba. Pueblo a duna confianza pa gobernacion, cierto decision politico reciente a crea desilusion entre parti di comunidad.
Un punto central di critica ta cu decisionnan importante lo ta wordo tuma sin suficiente consulta of comunicacion cu e pueblo y parlamento di Aruba. Esaki ta contribui na un sentimiento di division dentro di sociedad.
Ademas, simbolonan y accionnan politico reciente a wordo interpreta pa algun como señal di desunion y preocupacion riba e rumbo di pais. E criticonan ta enfatisa e importancia di mas transparencia, dialogo y participacion publico den proceso di tuma decision.
E situacion actual ta refleha un clima di tension politico, unda diferente opinionnan ta surge riba con Aruba mester sigui avansa den su relacion cu Hulanda y den su desaroyo interno como pais. Manera e bandera di AVP ta awe hisa na cas di partido asina aki e gobierno di AVP –FUTURO tin e pueblo di Aruba “boca abou “ treciendo division den comunidad pa tin trankilidad cu Hulanda, entregando Aruba atrabes di un HOFA pa ricibi un suma di placa cu no tin destinacion kico realmente kier haci cu un suma di placa cu practicamente Aruba no tin mester di dje.