AOV ta un derecho, no un fabor!
For di 2021 nos grandinan ta tin derechi pa lei pa haña indeksashon di nan AOV, ku awe mester suma 1050 XCG i no 1000 XCG.
Gobièrnu di MFK ta skonde tras di CBS, ku no por kalkulá e kresementu ekonómiko di ougùstùs pa ougùstùs, pa keda sin indeksá e penshun segun e lei di AOV.
Si bèrdat tin boluntat polítiko di Gobièrnu Pisas, por laga entre otro Banko Sentral, Ministerio Ekonómiko huntu ku Ministerio di Finansa hasi e kalkulashonnan nesesario, ya ku e indeksashon tin un impakto positivo riba entrada di nos penshonadonan.
E Gobièrnu mes a demostrá ku ora tin boluntat polítiko, por ehèmpel pa paga sèn di vakashon na e ámtenar mas tempran ku loke lei ta sèn di vakashon ta bisa. Banda ku esaki tin un impakto positivo pa e ámtenar, tabata tin boluntat politiko pa hasi e pago mas trempan.
Kemen si tin boluntat polítiko di bèrdat pa sòru pa nos grandinan, mester por sòru pa nan derechi di indeksashon di AOV, sin skonde tras di fecha pa e kalkulashon, ya ku pa pago di plaka di vakashon di ámtenar tampoko a skonde tras di fecha.
Despues di 6 aña di gobernashon dor di kabinete Pisas, e minister di SOAW ta bisa ku AOV a subi te 1.000 florin. Lokual e no ta bisa ta, ku e subida aki no ta un fabor sino un derechi ankra den lei ku nos grandinan tin derechi riba dje, i ku te awe no a kumpli ku e derecho manera debe de ser.
Ta remarkabel tambe ku te awe Parlamento no a risibí ningun lei pa formalisá e subida aki di AOV. E realidat ta bon kla: e subida no ta un mérito di ministerio di SOAW, sino di penshonadonan mes ku a lucha sin stop. For di momento ku nos di partido MAN a mustra ku konforme lei e penshonadonan tin derechi riba indeksashon di AOV. Tanten ku e AOV no keda indeksa pero tambe oumento ku a priminti na XCg 1500,- nos lucha no a kaba.
AOV ta un derecho, no un fabor!