Fraccion di MAN a manda carta invita Prome Minister na staten pa duna cuenta di COHO

Parlamentario di MAN Steven Martina a confirma cu fraccion di Man a manda un carta pa presidente di parlamento cu e peticion pa un reunion publico den cual prome minister Gilmar Pisas mester duna cuenta y rason di e ley di COHO. Segun fraccion di MAN falta hopi informacion.
Fraccion di MAN a manda un carta pa invita prome minister Gilmar Pisas den staten pa duna staten un splicacion di kico nan a logra cu COHO. Na e mes un manera cu prome minister Pisas a duna un declaracion general na un conferencia di prensa, fraccion di MAN ta kere ta na su luga pa e por bin staten y duna cuenta na staten.
Si mester mira Aruba, prome minister di Aruba a bay parlamento y splica parlamento di e status di COHO sinembargo na Corsou no a mira cu Prome minister Gilmar Pisas tabatin e intencion di duna parlamento splicacion. Pesey mes pa e motibo aki mes a manda un carta y haci e peticion na Prome minister pa e bin duna cuenta na parlamento di Corsou.
Importante ta pa e mandatario principal duna un update di e negociacionnan di COHO y na unda Corsou ta para na e momentonan aki cu e situacion di COHO. E conferencia cu prome minister a duna di COHO den conferencia di prensa tabata comprendibel engeneral, pero no detayadamente pa e informacionnan cu miembronan di parlamento mester haya, esaki por a tuma nota cu no ta solamente oposicion tin e problema ey , pero di su mes un fraccion a tuma nota cu mester di mas informacion riba e negociacionnan di COHO.
Prome Minister Pisas su mes un fraccion den parlamento a saca un carta cu 11 pregunta basta critico y tur esakinan ta indicacionnan cu parlamento kier sa mas riba e negociacionnan cu a tuma luga riba e tema di COHO. Fraccion di MAN tambe tin varios pregunta y tambe a tuma nota riba e carta cu a keda manda unda cu ta reconfirma e acuerdo politico cu Hulanda.
Loke cu ta importante pa corda ta cu na momento cu a confirma e acuerdo politico dia 2 di november 2020 a pone diferente puntonan riba mesa, porehempel 30 miyon di euro pa reforma enseñansa , 175 miyon florin pa soluciona e problema di girobank, 20 miyon euro pa e fondo di recuperacion economico pa e instrumento di garantia.
Steven Martina di fraccion di MAN ta duna di conoce cu a spera cu despues cu a confirma e acuerdo politico lo a bin padilanti y informa parlamento di Corsou. Pa loke ta trata e parti economico lo a pone acerca no 20 miyon , pero 50 miyon euro ta loke cu Corsou tin mester manera e calculonan ta bisa y tambe lo a bin cu cierto compromisonan un banda na momento cu haci tur e reformanan den COHO unda cu na final lo mester a crea 15 mil cupo di trabao nobo cu aki 5 pa 6 aña ora wak bek atras.
Steven Martina di fraccion di MAN ta haya falta di informacion na momento cu bo reconfirma e acuerdo politico unda cu tabata e oportunidad unico pa por pone algo acerca.
Sinembargo e carta no tabata un sorpresa e unico cos cu prome minister Pisas por haci ta reconfirma locual cu nan a negosha. Fraccion di Man a haya e carta y e contenido no ta di sorpresa pero ta sinti cu Corsou por a saca hopi mas afo.