E recien kehonan publico riba rednan social a bolbe expone e falta di atencion medico oportuno pa nos adultonan mayor, kendenan ta wordo manda cas cu fractura grave sin ricibi e operacion o tratamentu necesario.
Mientrastanto cu hopi biaha ta tira culpa riba Ministerio di Salud Publico, e responsabilidad directo pa e tratamento, e planificacion medico y e calidad di servicio den hospital no ta den man di e minister, sino den man di e direccion y e cuerpo gerencia di e institucion mes.
Director di Hospital y Raad van Bestuur: Tin e deber directo di garantisa cuido di calidad, maneha e personal y e recursonan pa evita retraso den operacion, y percura pa e pacientenan ricibi atencion digno y oportuno.
Raad van Toezicht: Tin e tarea di supervision e ehecucion di e direccion, exigi contabilidad y tuma decisionnan streng si e cuido di salud ta den peligro.
Tira culpa riba e minister ta simplemente un excuus pa no duna cuenta pa e mal maneho interno cu tin pa varios aña caba bou di e direccion actual. Ora cu un maneho ta demostra continuamente cu e no por organisa e cuido debidamente, e unico caminda digno pa tuma ta e caminda di decencia: duna un paso ,hala na banda y laga persona capaz encabesa e cambionan cu e pueblo di Aruba merece.
Awo cu tin caso entama den corte spera cu cu corte tambe tin un bista mas ainda di e gritonan di comunidad y e maneho cu no ta percura pa duna e cuido na e cuidadano nan cu ta paga pa ricibi cuido di calidad. Den man di e director actual ta bisto cu Hospital a bay atras, y e cuido na Aruba a bay atras.