Mientrastanto cu e discusionnan riba e impacto economico y e costo di bida na Aruba ta na un momento crucial, e actitud y compromiso politico dentro di e coalicion gubernamental a keda poni bao di tencion y discusion. Den un gesto di halto sentido di responsabilidad pa e pais, e partido FUTURO di minister Gerlien Croes a tuma e postura firme pa convoca un reunion di urgencia di coalicion. Sinembargo, e cuadro a keda marca pa e ausencia di e partner di coalicion, AVP, kende no a presenta den Bestuurskantoor.
E convocatoria pa e reunion di urgencia aki tabata tin como meta principal pa drenta den un dialogo serio, transparente y mesora riba e datonan financiero y e impactonan economico cu e diferente proposicionnan lo tin pa e comunidad di Aruba. Mientras e ekipo ministerial di FUTURO a presenta diligentemente na Bestuurskantoor pa atende e asunto aki di e maximo urgencia, e stoelnan bashi na e mesa di deliberacion a manda un mensahe hopi cla pa partner di coalicion.
“Gobernacion ta cooperacion, presencia y dialogo,” segun Minister Gerlien Croes di FUTURO “Ora cu un pais ta enfrenta momentonan caminda mester tuma decisionnan cu ta afecta e futuro generacion y e stabilidad economico, bo no por scoge pa keda ausente di e mesa di trabou.”
E hecho cu e partido a keda sinta nan so den Bestuurskantoor ta resalta dos punto fundamental den e dinamica politico actual:
E partido a demostra cu e ta cla pa drenta e discusionnan mas dificil y pa traha riba e calculacionnan y presupuestacion necesario cu e situacion ta exigi.
Yama un reunion di urgencia ta un instrumento oficial y responsabel pa soluciona un impase. Laga e partner di coalicion sinta su so den un Bestuurskantoor ta un acto cu ta corta e liña directo di dialogo cu e propio partnernan ta predica den publico.Esaki a ilustra un falta di respet pa nan partner den coalicion, Pero na mes momento FUTURO no a tuma conpacion mirando cu netamente riba e mes un dia Prome Mnister Mike Eman a yega Aruba.
E postura cu e partido di minister Croes a tuma ta un yamada di atencion pa henter e coalicion y pa e pais completo. E mensahe ta transparente: niun subida di salario ni decision gubernamental por tuma luga sin e debido analisis financiero, pero tampoco e proceso aki por wordo retrasa pa falta di boluntad politico pa sinta na mesa.
E decision di e partido pa keda firme, presente y pa keda haci e analisisnan riguroso pa proteha e caha di pais y evita cu e costo di bida ta sigui escala, ta demostra un liderazgo cla. Awor e pregunta cu ta keda den aire den Bestuurskantoor ta: Cuanto tempo mas e partner di koalishon AVP lo tarda pa asumi su papel na e mesa di dialogo y responsabilidad?
Por a compronde cu prome Minister Mike Eman a avisa su parthner di coalicion cu no lo presenta, pero tog FUTURO a persiosti pa AVP ta presenti y nan si a presenta. Tambe AVP a avisa cu prome lo bay awe 2 di NOVEMBER partijraad di AVP pa 7:00 pm y despues lo papia cu coalicion