Durante tres siman tras di lomba Afvalzorg Nederland i empleadonan di Selibon eksitosamente a paga diesshete kandela bou di tera na Lèntfel Lagun. E kandelanan akí tabata konsekuensia di e kandelanan habrí ku tabatin durante e último lunanan na e sitio di depositá sushi na Lagun. Entidat Públiko Boneiru i Selibon ta sumamente satisfecho ku e resultado i ku e kolaborashon ku Afvalzorg Nederland.
Independientemente di e kousa di e kandelanan, ta keda esensial pa sigui vigilá e situashon na e lèntfel minusiosamente. Entretantu empleadonan di Selibon a haña entrenamentu den kon atendé ku e tipo di situashonnan akí i awor nan ta disponé di vários kámara infrakorá, ku kua nan por monitòr e lèntfel efektivamente. Banda di esaki bintikuater ora pa dia tin empleado di siguridat presente pa garantisá siguridat na e lèntfel.
Den e periodo binidero Afvalzorg Nederland ta sigui duna sosten na Selibon pa loke ta trata mehorashon di e sistema di depositá sushi. E eksperensianan di e simannan tras di lomba a sòru pa ‘input’ balioso pa optimalisashon mas aleu di e prosesamentu di sushi na Lèntfel Lagun. Huntu ku Entidat Públiko Boneiru i Selibon nan ta trahando riba mehorashon di e prosesonan i riba ponementu di pasonan konkreto den direkshon di maneho sostenibel di sushi na Boneiru.
