Na aña 1959 Melfor a obtene su diploma di Mulo y un aña despues ta cuminsa su carera na “bedrijfschool” na Shell. Prome cu esey e tabata declama poesia di fabula cu hopi exito tur diahuebs anochi na Radio Hoyer. Durante di e periodo aki el a cuminsa cu teatro y tabata skirbi fabula imitando zonidonan di instrumentonan y di bestia. E tabata outodidakto y Eligio Melfor tabata e nomber cu el a uza desde decada 60 pa presenta su obranan di fabula, chiste y comedia. Su produccionnan di comedia no tabata pone hende hari so, pero tabata trece un mensahe pa pueblo por sigui pensa riba y siña di dje na final di e comedia. Algun di su obra ta: “Esta un curashi”, “Ken ta gana eleccion”, “Tinchi kita as”, “Wan tres porta”, “Muhénan wapu”, “Gainan fini” y “Beberin den polítika”.
Melfor ta risibí na 1976 e Premio Cola Debrot y na 2020 e ta condecoracion di Krus di Merito (2020). Na 2007 Arte di Palabra ta otorg’e e Tapishi Literario reconociendo su contribucion na idioma Papiamentu.
Awe e Actor international a bay sossega. E legendario Eligio Melfor na varios ocacion a bishita Aruba y a haci diferente obranan y presentacionnan na cas di cultura. Forsa na famia y cu legendario Eligio Melfor drumi dushi den brasa di señor. Condolencia na famia y conociernan