FeaturedLocal

Afpakteam activo na aeropuerto priva

Afpakteam Activo Na Aeropuerto Priva

Siman pasa tabatin varios control na aeropuerto priva. E controlnan integral aki tabata den man di Afpakteam, Interpol y UMM (Unit Mensensmokkel en Mensenhandel) y a tuma lugar den cooperacion estrecho cu AAA (Aruba Airport Authority).

Angeline Flemming, director di Health, Safety and Sustainability di AAA, a bisa: “E accionnan aki ta subraya e obhetivo di AAA pa promove operacionnan safe na aeropuerto. E cooperacion cu organismonan local y internacional encarga di mantene ley tabata excelente y e esfuerzonan conhunto tabatin un impacto grandi. E frecuencia lo aumenta den e lunanan venidero”. 

Afpakteam ta un asociacion entre varios partner di investigacion, entre otro Ministerio Publico, Polis, Aduanas, Unidad di Inteligencia Financiero (UIF), Marechaussee (KMar) y Guardia Costa.

Afpakteam a lanta na 2017 cu e obhetivo di combati delincuencia financiero subversivo na un manera mas eficiente, particularmente via prevencion y deteccion di actividadnan di labamento di placa y di kitamento di activonan obteni via crimen. E bienes cu a wordo kita ta bay den un fondo special di Aruba, cu ta sirbi pa lucha contra crimen. 

Tur e partnernan a indica cu lo hiba mas control integral den futuro. 

Pa tips y señalnan (di labamento di placa) puede comunica cu Afpakteam via tiplijn (11141).

Related posts

Minister di Finansa y Cultura Maduro ta felicita sr. Ady Thijsen cu su responsabilidad nobo como Aruba su Minister Plenipotenciario na Hulanda

EA News Author

Reina y Princesita di Filomena College Mavo den CB BRAZIL

EA News Author

Erik van Veenendaal di Hulanda rekonosé komo e promé Embahador di aña 2022

EA News Author

Leave a Comment

Whatsapp Message