Aruba TurismoFeatured

AHATA y ATIA: Limitacion riba devaluacion ta un medida extremo

Ahata Y Atia Limitacion Riba Devaluacion Ta Un Medida

Gobierno di Aruba su plan di impuesto 2023 tin varios elemento hopi dañino pa companianan na nos pais. Un elemento cu ta causa hopi preocupacion serca e gremionan AHATA y ATIA, ta e limitacion riba deduccion di devaluacion di propiedad inmobil. 

 

Limitando e deduccion na “leggerwaarde” ta un medida extremo contra e companianan cu ta doño di propiedad grandi. Marando e maximo deduccion na e leggerwaarde ta causa consecuencia pisa pa resultado financiero. E ta un medida cu ta kibra clima di inversion na Aruba. Na Corsow, por ehempel, e limite ta hopi mas abao, na 50% di leggerwaarde. Mientrastanto, ta departamento di impuesto ta unilateralmente determina e leggerwaarde, y e dos gremionan grandi ta cuestiona si e departamento ta cualifica y motiva pa e responsabilidad di determina e balor di propiedad na un manera husto. 

 

Ta importante pa Gobierno di Aruba yega na un presupuesto di 2023 cu no ta anti-inversionista y cu ta pone mas atencion riba cumplimento di pago di impuesto pa esnan cu no ta cumpliendo y baha gasto gubernamental.     

AHATA y ATIA ta gradici gobierno pa e subsidio di salario cu a ofrece na tur dunador di trabao durante temporada critico di pandemia, pa por scapa cupo di trabao y actividad economico, y asina sigui paga impuesto na gobierno tambe. Awor ta pidi gobierno pa tin e mesun claridad riba e importancia di tene compania nan porta habri y mantene un clima di inversion positivo y activo. Cu inversion nos comunidad ta beneficia di un economia productivo. 

Ahata Y Atia Limitacion Riba Devaluacion Ta Un Medida

Related posts

James Finies, Lider di PPU ta lidera Bonaire Human Rights Organization pa Elekshonan di Republika Dominicana komo Obervadornan Internashonal di COPPPAL

EA News Author

Gobierno y Qredits a firma un MOU pa stimula industria di agricultura

EA News Author

Homber cu a ocasiona destruccion den Clabillostraat deteni

EA News Author

Leave a Comment

Whatsapp Message