Bonaire Internacional

Aklarashon di dòkter Marian Luinstra pa subida kasonan di Covid -19


Último dianan e sifranan di infekshon a subi. Ta trata un grupo di hóben di Boneiru ku a tèst positivo, huntu ku un grupo di hende grandi ku no ta bakuná. Mayoria di e personanan aki no tin keho òf tin keho leve. Nan a tèst paso nan tabata den karentena pa motibu ku tabata den kontakto ku un persona ku a tèst positivo.

Di e manera aki departamento di Salubridat Públiko por wak lihé e gruponan di hende ku a pega ku e vírùs. Ta posibel ku den dianan benidero mas hende por tèst positivo. Esaki ta tene na bista.

Pa evitá e gruponan di infekshon aki ta hopi importante pa mas tantu hende posibel tuma e angua kontra e vírùs di COVID-19. E kontagio por plama ménos lihé i hendenan tin ménos chèns di  bira hopi malu. E klùster aki  ta mustra e importansia pa mas tantu hende bakuna, spesialmente hóben. Mañan, riba 17 di yüni por pasa sin sita na sentro deportivo Jorge Nicolaas entre 9’or di mainta te ku 2’or di atardi pa pasa angua kontra corona. Pa mas informashon tokante bakunashon por yama 0800 0900.

Related posts

Haf di Boneiru ta bira mas atraktivo, seif i mihó aksesibel awor ku ta ekspandé e pir ku 44 meter

EA News Author

Notisia Polisial Korsou: Dama (26) a muri despues ku outo a dal e

EA News Author

194.700 dòler di sosten di corona pa sektor kultural na Boneiru

EA News Author

1 comment

Leave a Comment