Featured Corte

Corte a ordena Speed Andrade rectifica expresión haci contra Ophelia Beyde


Expresionnan cu Nelson Speed Andrade a haci den su programa di noticia Enfoke 90 contra di Ophelia Beyde a salie di malo. Corte diaranson a ordena pa e rectifica e declaración bisando cu e no tin prueba, pero si a nenga e petición di Beyde pa pone un prohibición riba e periodista pa papia den futuro riba dje den cuadro di investigacion penal Avestruz. Esaki Corte a haya ta viola e derecho di Andrade como periodista pa señala y critica
Tin tres punto cu Beyde y su Abogado a trece dilanti durante tratamento di e caso cu no a cay na agrado. Den e noticiero e periodista a papia riba e investigacion penal di caso Avestruz. El a menciona cu Beyde como ex conocir di Leoncita Arends, a drenta su cas y a horta e password di su computer; cu Beyde durante eleccion di 2017 a parti pamfleta político den cual el a acusa Leoncita Arends di practicanan dudoso relaciona cu terenonan di erfpacht di país Aruba. Y cu Beyde ta un desastre como trahado.
A bini dilanti cu niun momento Andrade no a menciona cu el a tende esey di Arends mes.
Hues a bisa cu e prohibición riba Andrade pa papia riba dje ta demasiado amplio y trece limitacionnan cpa Andrade su derechonan di expresión (como periodista).

Hues a bisa cu como periodista e tin derecho di tin su propio opinión, ta critico, informatico y / of lansando advertencia, hasta contra Beyde, basta cu tin base legal pa esaki. Si ta bay haci expresión di un persona basa riba información ricibi of di loke a tende, y cu ta atacha nomber y integridad di e persona, tan a su luga pa puntra e persona pa su reacción y ambos banda wordo publica na mesun momento. Door di no haci esey, manera den e caso aki, no a actúa según reglanan periodistico.
Den e caso di hortamento di password di computer di Leoncita, Hues a bisa cu ora el a haci e expresion den su programa Enfoke 90, e no a menciona cu ta basa riba informacion di Leoncita Arends y tampoco tin prueba cu ela bisa esey despues. E expresión haci tabata un opinión di dje. Banda di esaki el a papia cu Beyde ta mal trahado. Segun el a bisa, e ta prueba esey pa e hecho cu e Gobierno a kita Ophelia for di trabou. Pero Hues a bisa cu den e sentencia di e caso cu Beyde a perde, nada di esaki ta wordo bisa. Esta cu el a wordo kita pa ta mal trahado. Ademas, despues a bolbe tum’e na trabou na Serlimar. Tampoco e tin prueba di loke el a bisa cu Beyde a reparti pamfletanan den eleccion di 2017 den cual e l a bisa cu Beyde a acusa Leoncita Arends di practicanan dudoso relaciona cu tereno erfpacht.
Den henter e caso aki Corte a pone den balans interés di ambos partido. Prensa no solamente por duna nan opinión cu por ta duro y pisa. Pero mester haci un diferencia entre loke ta declaracionnan y loke ta e percepción di un periodista.
Tur esaki poni den balans a conclui cu e periodista mester rectifica den su noticiero, sin pone comentario acerca.

Related posts

Accidente serio na bocht skerpi di st Cruz

EA News Author

Prome Minister ta haci apelacion na comunidad di Aruba pa aplica pa vacuna

EA News Author

“share station” ta anuncia e 15 ganadornan di e prome edicion “digital global money week summer campaign”

EA News Author

Leave a Comment