Alan Howell ya pa varios aña a bin ta otorga deportista y artista hoben di pariba di brug cu a sobresali durante aña e reconocemento di Uptown Awards.
E aña aki e reconocemento aki no por a falta y hobennan cu a haya nan reconosimiento y nan famia a keda sumamente contento.
Howell cu ta president di Uptown Awards ta menciona cu “tabata un momemto sumamente emociante ora nos a yega den fin di siman di sorpresa na casnan di nos atletanan y artistanan di aña 2020. Pa di 5 aña consecutivo Uptown Awards ta reconoce nos top talentonan di pariba di brug como e Uptown Outstanding Athlete/ Artist of the Year”.
E aña aki esnan cu a ricibi e Uptown Awards ta:
Jarvinah Besselink (Artista), Alexander Hodge (Atleta), Jorick Geerman ( Atleta), Ivy’ Ann Browne ( Artista), Zayrick Lacle ( Atleta), Jayden Werleman (Atleta), Jay Shawn Mc Bene Coutar (Atleta), Abraham Panthoflet ( Atleta), Hadassah Kock (Atleta), Kevin Tenorio Aquilar ( Atleta), Brayden Elisabeth ( Atleta), Shankarla Larez ( Atleta), Jevin Carrasquia ( Atleta), Kailen Wouters ( Atleta), Djean Macaries (Atleta), Jeremiah Martis (Atleta).
“Masha pabien na cada un di boso y Aruba ta hopi proud di boso”, tabata palabranan final di Alan Howell.
