Dia 25 April ultimo Quota International of Aruba a tene su anochi di Donacion.
Durante e evento aki Quota a reparti un suma total di Afl. 60,000.= entre 19 fundacion, organisacion y otro instancia aki na Aruba.
Danki na tur cu a contribui na Quota su fundraising event na anja 2022, cu Quota por tin e bunita suma aki pa reparti.
E anochi di Donacion tawata posibel danki na e esfuerso di e comision di Donacion di Quota, bao guia di Sra. Kaveri Raghunat y Sra Mariela Nava-Figaroa. E comisión, cu a consisti di 10 miembro, a analisa y investiga tur peticion y asina a yega na e 19 institucionnan cu a ricibi un donacion.
Sra. Luzina de Greef-Mattemaker, president Quota 2022-2023, a hasi entrega simbolico di e envelop nan .
E evento tawata un exito rotundo y a tuma luga na YMCA Aruba su localidat na Dakota
Durante e anochi aki e diferente instancianan a haya e oportunidad pa elabora ariba e trabao cu nan ta haci pa e comunidad di Aruba y a indica di ki forma lo hasi uzo di e donacion ricibi.
Quota International of Aruba ta un organisacion boluntario di ehecutivonan femenino cu ta yuda instancianan cu ta traha cu personanan cu limitacion di oido y habla, hende muhe y muchanan den situacionan di abuso y esnan mas vulnerabel den nos comunidad.
Alavez, Quota International of Aruba, ta pidi comunidad henter pa keda pendiente pa e promoción pa e evento di fund raising cu pronto lo bay tin mas informacion ariba esaki. Di es manera ey Quota International of Aruba por crea fondo pa sigi duna bek na organizacionnan den nos comunidad cu tin mester sosten financiero.
