Maria College Mavo kier a invita tur mayor(nan) di nos alumnonan pa un anochi informativo cu lo tuma lugar diamars dia 29 di September di 7.30 pa 8’or di anochi. Esaki lo sosode via e plataforma “ mentor classroom” di bo(so) yiu(nan).
Ta importante pa mayor(nan) compronde con e anochi informativo aki ta hinca den otro. Nos ta recomenda mayor(nan) pa wak e video cu informacion adelanta como preparacion pa e anochi. Esaki lo ta acesibel riba nos pagina di facebook y den e “mentor classroom” di bo(so) yiu(nan). Durante e anochi e mayor(nan) lo tin oportunidad pa haci pregunta na e mentor.
Bo(so) presencia online lo ta altamente aprecia. Si pa cualkier motibo no por ta presenta, mayor(nan) por manda un email pa e mentor.
