Premio Grandi: Experiencia Exclusivo na Argentina pa dos persona.Aruba Bank conhuntamente cu Mastercard ta contento di anuncia Sr. Ricky Donker como e ganador di premio grandi di su reciente campaña di Mastercard Debit Card, cual a premia un experiencia di biahe di luho na Buenos Aires, Argentina pa dos persona.
E campaña a core for di 19 di november te 28 di december. Pues tur persona cu a uza nan Mastercard Debit Card di Aruba Bank durante e periodo aki a participa automaticamente den e campaña.
Cada transaccion a conta como un entrada den e sorteo, sin un suma minimo, asina dunando e cliente mas oportunidad pa gana mientras nan disfruta di facilidad y seguridad di nan pago cu e tarheta.
E ganador a wordo scogi mediante un sorteo, segun e termino y condicionan oficial di e campaña.
E experiencia inolvidabel pa Argentina ta inclui, Dos ticket ida y vuelta for di Aruba pa Buenos Aires, 4 anochi di acomodacion, tur cuminda inclui, tour priva, show di tango, partido di futbol y mas.
Cu e campaña aki, Aruba Bank ta reafirma su compromiso pa recompensa fidelidad di cliente y promove uso di pago digital, sigur y conveniente.
“Nos ta contento di por recompensa nos cliente pa escoge Aruba Bank y Mastercard pa nan transaccion diario. Campaña manera esaki ta mustra cu hasta un solo swipe por hibabo na un experiencia extraordinario,” segun un representante di Aruba Bank.