LocalPolicialFeatured

Aruba ta conoce dos morto den trafico tras di otro

Accidente Cu Morto

E prome tabata Diadomingo madruga pa 03:25am central di polis ta wordo notifica di un accidente basta grave na altura di ex House of Cheng.

Na yegada di patruya ta bin encontra cu un Nissan March color shinishi numera A- 65717 pega riba un mata.

Patruya ta bin topa cu cuidadanonan cu a purba di re-anima e victima. Tambe Ambulance a yega na e sitio y a haci nan maximo esfuerso pero no por a haci nada mas pa e victima.

Pa 4:09 am Dr.Mungra ta constata morto di Ray Kelvin Zambrano Burgos naci 18 december 1996 na Aruba.

Polis di trafico y polis technico a presenta na e sitio pa haci nan investigacion.

Slachtofferhulp tambe a presenta na e sitio pa brinda sosten na famia di e fayecido.

Despues di algun ora riba e mes un diadomingo pa 6:05am central di polis ta wordo notifica di un accidente frontal na altura di Winter Garden Supermarket na Savaneta.

Na yegada di patruya ta bin encontra cu un KIA Rio color cora numera A- 62040 cu probablemente lo a dal frontal den un truck di BSL numera DT- 1280.
Patruya ta pidi pa un ambulance cu urgencia enconexion cu e chauffeur di e Kia Rio no tabata reaciona. Ambulance a yega na e sitio y a haci nan maximo esfuerso pero no por a haci nada mas pa e victima.

Pa 6:50 am Dr.Mungra ta constata morto di Kevin Ruben TROMP, naci 12 augustus 2005, Aruba.
Polis di trafico y polis technico a presenta na e sitio pa haci nan investigacion.

Slachtofferhulp tambe a presenta na e sitio pa brinda sosten na famia di e fayecido.

Cuerpo Policial ta manda palabra di profundo condolencia na famianan di e fayecidonan y deseanan forza den e dianan nos dilanti.

Related posts

Aña 2022 Aruba ta conoce black out na varios ocacion

EA News Author

Aruba Bank ta partner oficial di exposicion di fotografia di Universidad di Aruba

EA News Author

Brigada di Seguridat i Formashon ta habri temporada di reklutashon

EA News Author

1 comment

Aruba ta conoce dos morto den trafico tras di otro - Notisia 365 May 28, 2023 at 9:07 am

[…] Source link […]

Reply

Leave a Comment

Whatsapp Message