lèkmentu di dato personal i seguridat nashonal
Frakshon di MAN-PIN den parlamento ta rekerí informashon i akshon pa garantisá seguridat nashonal, seguridat sibernétiko i protekshon di datonan personal. Den e últimonan simannan, varios instituto gubernamental a sufri intento i òf atake sibernétiko. Esaki ta inkluí Servisio di Impuesto, ORV (Instituto di Entrenamentu pa Hustisia i Siguridat) , Korte di Hustisia i posibelmente Departamento di Enseñansa.
Resientemente den un konferensia di prensa di 31 di yüli 2025, Minister di Trafiko, Transporte i Planifikashon Urbano a anunsia un ‘plataforma digital AI pa Karibe’ for di Kòrsou. MAN-PIN ta sostené e tipo di desaroyonan tèknologiko i ekonomiko aki, pero ta pidi klaridat riba vishon i maneho di seguridat sibernétiko i koordinashon di parti di gobièrnu.
P’esei MAN-PIN ta pidi minister di Gobernashon, Planifikashon i Servisio Públiko (BPD), sra. K. Lew-Jen-Tai, pa kontesta por eskrito preguntanan riba e siguiente temanan prinsipal:
Konfirmashon i detaye di e atakenan sibernetiko, medidanan preventivo di mitigashon, protekshon di datonan personal, supervishon, regulashon i ekspanshon di servisionan digital.