Tur e añanan cu e ilegalnan y comerciantenan cu a faya y trapa leynan di Aruba segun minister Arthur Dowers no tin un manera y of ley cu por obliga nan paga. Segun Minister Arthur Dowers Aruba su sistema no ta regla cu por laga nan paga “ met terugwerken kracht “ na momento cu kibra ley. Segun Minister Dowers tampoco no por haya derechonan “ met terugwerken kracht “ y esaki ta pone cu no tin sentido segun minister Dowers pa cobra tur e añanan cu tanto comerciante y ilegalnan a trapa riba leynan di Pais Aruba.
Na mes momento Lider di fraccion di PPA ta indica cu si minister Dowers a indica cu no tin un ley pa pone tanto e comerciante y e ilegal responsabel pa tur e añanan cu nan no a cumpli cu ley na Aruba ta nonsense . Segun lider do PPA si un persona ta ilegal e proceso normal ta cu mester paga e permiso, paga garantia cu si un dia nan mester deporta e persona tin placa pa por deporte, esaki ta loke ta para den ley.
Pa por laga e comerciante y e ilegal cu kier bira legal awo den e ley di flexibilisacion ta pone cu mester paga un herstel boet pa tur e tempo cu tabata ilegal na Aruba. E ilegal cu no kier page of e comerciante cu no kier page e ora mester ta bon cla e no ta haya e permiso y e ora no ta documenta e persona. Despues cu e amnistia pasa ta tuma paso manera Donald Tromp y ta pasa piki tur e personanan cu banda di cu nan ta ilegal no kier cumpli cu consicionnan , pagonan pa bira legal y nan lo mester regresa nan Pais bek.
Na mes momento e no ta algo cu por dura hopi debi cu ta trata di un decreto y ta mande landsbesluit y ta wordo firma, pero si mester bin parlamento por a bin parlamento tambe y si berdaderamente parlamento ta madura y tin e bista di progreso di Aruba na serio conhuntamente ta aproba e proceso aki pa cambia 1 articulo na beneficio di Pais Aruba.
Di e manera aki Aruba ta wordo respeta, y ta haya su FAIR SHARE den caha di gobierno cu por bay destina pa proteha e mes un fronteranan cu e mes un ilegalnan aki ta keda purba cada bes pa drenta via nos costanan ilegalmente.