Local

Biba den desacuerdo cu dios, no ta trece felicidad

Pastoor Baloondje

Dios a manda su unico yiu Cristo Hesus, aki na mundo pa trece e berdad pa nos tur, pasobra berdad
semper ta keda berdad y berdad nunca e perhudica ningun hende, ta solamente esnan cu ta bay contra
e berdad di Dios, ta sinti nan mes husga, pero esey no ta cambia nada pasobra berdad ta keda berdad, y
pica ta keda pica.
Riba e mundo aki no tin existi ningun bon hende , solamente Dios ta bon esey Cristo Hesus mes a siña
nos. No laga ningun hende hunga wise pasobra locual Dios bisa ta asina e ta. No tin ningun hende cu
ta bon, nos tur tin mester di salbacion.
Pesey e palabra di Dios ta siña nos den Juan 3:16 y ta bolbe hala nos atencion fuertemente bisando den
Juan 3:36. Esun cu ta kere den e Yiu tin bida eterno: ma esun cu no obedece e Yiu lo no mira bida, ma
e furia di Dios ta keda riba dje.
Pa nos bida ta den acuerdo cu Dios: nos mester entrega nos mes na Dios, arepenti, y aparta for di pica,
nenga nos mes deseonan malo y tambe nos propio boluntad , cana den obedencia na Dios y haci
boluntad di Dios, No lubida locual Romanonan 12:2 y Filipensenan 4:8 ta siña nos.
Lo yega e dia cu tur hende tin cu duna cuenta na Dios kico nan a haci riba e mundo aki, ta pesey nos
tin cu haci tur esfuerso pa nos biba di acuerdo cu Dios su palabra, y no keda forsa contra e boluntad di
Dios, pasobra e dia cu nos mester duna cuenta ningun hende no sa.
E lo bini manera un ladron den anochi.
Palabra di Dios ta siña nos: Finalmente boso tur sea di acuerdo cu otro: teniendo compasion cu otro,
stimando manera ruman, y sea misericordioso y humilde den spirito.Pasobra e wowonan di Señor ta
riba e hustonan, y Su horeanan ta atento pa scucha nan oracion, ma e cara di Señor ta contra esnan cu
ta haci malo.(1 Pedro 3:8-12).
Ora nos ta den desacuerdo cu Dios, nos no ta contra hende, pero contra e Todopoderoso, y hopi biha
nos mester kita nos bista for di hende, for di tradicion, for di custumber, for di inmoralidad y
perversion, y ban wak profundamente kico ta Dios su opinion tocante e asunto, y si nos mira cu Dios
tin rason manera semper, no ta bale la pena pa sigi pusha, pasobra asina bo compronde e asunto, bo ta
sa cu ningun hende por bringa cu Dios, y cu tur cu a purba a perde.
Nunca un yugo desigual, por ta igual na esun cu Dios a establece, pesey nos tin tene bon cuenta, cu
amistad, cu relacion, cu organisacion, cu matrimonio, y cu hasta trabao, pasobra ningun hende por
sirbi Dios for di tienda di enemigo.
E palabra di Dios ta bolbe hiba nos na e versiculo aki: Sinembargo e fundeshi firme di Dios ta para,
seya cu e inscripcion aki: Señor conoce esnan cu ta di dj’E, laga tur esnan cu ta menciona e nomber di
Señor abstene di maldad. ( 2 Timoteo 2:19).
Awor cu e Dios di perserverancia,i di encurashamento,concede pa boso ta di acuerdo cu otro,segun
Cristo Hesus,pa di un acuerdo boso, den un solo bos,por glorifica e Dios y Tata di nos Señor Hesus
Cristo.

No tin ganashi ora nos ta biba den desacuerdo cu Dios, no tin defensa pa esnan cu ta rechasa Dios.
Ban haci tur locual ta posibel pa biba den boluntad di Dios.
Sinceramente, Pastor Marcel Balootje.

Related posts

Prome Minister Evelyn Wever-Croes: Pasobra e tawata un luchador pa su pueblo y tawata dispuesto pa sufri pa su pueblo

EA News Author

Pronostico di tempo diabierna 13 di october 2023

EA News Author

Entrevista cu Drs. Yuri Casseres riba e tema COVID: COVID no ta pandemia mas pero ta un virus activo na Aruba ainda

EA News Author

Leave a Comment

Whatsapp Message