BonaireFeatured

American Airlines den kolaborashon ku Boneiru ta introdusí buelo diario Miami – Boneiru pa e temporada di wenter binidero

Amrican Island

Tourism Corporation Bonaire den
kolaborashon ku Bonaire International Airport (BIA) i BONHATA ta kontentu di por
anunsiá ku American Airlines ta bai amplia su ruta di Miami pa Boneiru
konsiderabelmente. For di 5 di desèmber 2024 American Airlines ta bai 'upgrade' su
aktual tres buelonan pa siman den wenter, i bini ku un skema nobo diario, kaminda
nan lo hasi uso di un avion Boeing 737. Banda di esaki e kompania di aviashon for di
7 di desèmber 2024 ta bai ofresé dos buelo riba djasabra, loke ta resultá den ocho
buelo pa siman.
E ampliashon di buelo akí, ku lo dura te ku 4 di mei 2025, ta un impulso importante
pa Boneiru su konektividat. Esaki lo aliviá e nesesidat pa konekshon dòbel i
oumentá disponibilidat di asiento pa biaha entre e islanan, mehorando asina e
eksperensia di biahe den su totalidat pa bishitantenan i pa nos poblashon lokal.
"E oumento den buelo akí ta un 'game changer' pa Boneiru i e ta ofresé mas
komodidat i aksesibilidat pa biaheronan. Nos ta kontentu di por yama bon biní na
nos bishitantenan na nos isla", segun Miles Mercera, direktor di Tourism Corporation
Bonaire.
"Pa hopi tempu kaba American Airlines ta nos partner i awor nan ta ofresé
konekshonnan diario pa Nort-Amérika via e 'Miami gateway', loke ta nifiká mas
eskoho pa biaheronan. E di dos buelo riba djasabra ta planiá pa mas lat atardi,
despues di e oranan di mas drùk", segun Maarten van der Scheer, direktor di
Aeropuerto Flamingo. Na esaki el a añadí: "Mas buelo direkto ta nifiká ménos
nesesidat pa biaha via e otro islanan".
Por buk pasashi pa e buelonan nobo akí for di awor, ku tarifanan ida i buèlta for di
mas òf ménos $ 480.
Pa mas informashon bai na American Airlines Newsroom òf aa.com.

Related posts

Parlamentario drs. Shailiny Tromp-Lee (MEP): Awor ta e momento pa pusha pa sector primario y crea momentum pa modernisa

EA News Author

Aruba ta na un defecit di 226 miyon florin esaki ta debi cu Aruba a pasa den un Pandemia di mas grandi cu Mundo a conoce

EA News Author

Prestashon turístiko mensual di Boneiru

EA News Author

Leave a Comment

Whatsapp Message