LocalFeatured

BOGO Brandweeropleiding creando bintidos chauffeur di brandweer certifica pa Aruba

Brandweer Aruba 3

Pa prome biaha den historia Brandweer Aruba tin un opleiding pa chauffeur nan di Brandweer. For di Hulanda a bin Klaas Pit cu ta di BOGO Brandweeropleiding na Hatten Hulanda. E instructor a bin Aruba specialmente pa duna un opleiding pa e chauffeurnan keda certifica  cu nan por core cu sirena y core mas consciente y por pasa door di traficopa por yega e destinacion di ayudo mas lihe cu ta posibel.

Aña pasa Klaas tabata na Boneiro unda cu e la duna e opleiding na 14 chauffeur di brandiweer y e anja aki ta na Aruba y ta dunando 22 persona les, pero lo sigui duna e opleiding aki den e otro islanan di Caribe cu ta cay bao di Reino Hulandes tambe.

E Chauffeurnan actual tin nan rijbewijs, pero nan mester core un auto di brandweer y pa por core un auto di brandweer pa bay asistencianan e chauffeur mester specialisa su mes cu e tin un nivel cu e ta core sigur riba caya y na unda cu nan ta haya e toolsnan special cu nan mester sa y siña con por maneha un truck di brandweer y kico tur mester por wak pa por ta mas sigur riba caminda pa nan mes pero tambe pa e automobilistanan.

Tur e studiantenan ta haya tres dia theorie  y na momento cu nan slaag e ora ey nan lo subi caminda. E training riba caminda lo siña cada chauffeur  con ta e miho manera cu nan lo por pasa door di e trafico na momento cu tin un melding cu mester bay. Segun Klaas e nivel di rijbewijs na Aruba ta bon, pero pa esunnan cu ta core porehempel un truck di brandweer, polis  of ambulance mester di mas specialisacion cu ta un nivel mas halto.

Mester bisa si cu e calidad di e chauffeurnan di brandweer ta halto y nan ta atende cu e autonan den un nivel halto, sinembargo awo cu nan ta haya e opleiding mas specifico nan ta haya mas informacion con mas ta e posibilidad nan cu por haci pa por pasa door di e trafico pa asina por yega nan destinacion. E opleiding aki ta pa prome biaha na Aruba y asina departamento di Brandweer Aruba ta sigui mehora calidad di su brandweerman nan di cada post di brandweer na Aruba. Minister di Husticia Rocco Tjon a haci esaki posibel pa departamento di brandweer paso e meta ta pa mehoracion di postnan y calidad di ciudadano den e departamento di brandweer.

 

Brandweer Aruba 1

Related posts

Prome minister di St Maarten Silveria Jacobs: Colaboracion cu Hulanda lo yuda tur e islanan den Reino Hulandes

EA News Author

Crisisdienst lo ta mas activo riba caya y presente na momento di crisis

EA News Author

Kòrsou bo yunan ta sigui marka historia rònt mundu den deporte

EA News Author

Leave a Comment

Whatsapp Message