Bonaire

Boneiru ku bon fasilidat pa e mucha


Boneiru ku bon fasilidat pa e mucha

Durante su diskurso na selebrashon di ‘Dia di Boneiru’ djamars, e lider di frakshon di MPB, Elvis Tjin Asjoe, a boga pa muchanan por lanta den barionan di kalidat. Barionan seif den kua e mucha por lanta i biba man den man ku su bisiña. Ku e mucha por hunga ku su amigunan despues di skol. Ku e mucha por kore su baiskel sin preokupashon di siguridat.

“Kayanan tur ta nèchi drechá ku sufisiente drèmpel pa baha speed di autonan
Kayanan ku ‘fietspad’ ku e mucha por bai skol riba su baiskel. 

 

Mi ta kòrda ku ántes kon tur dia despues di skol nos tabata bai pasa atardi den un klup band’i kas hasiendo tur tipo di deporte. Fo’i djei a lanta tim di bala, tenista, etc.”, Tjin Asjoe a bisa.


Di akuerdo Tjin Asjoe, e muchanan di awe ta e Boneiru di mañan, pesei e mucha mester haña awe enseñansa grátis i di kalidat haltu. E mucha mester por hasi mas deporte na skol. E mucha mester haña mas historia i kultura na skol.
Tjin Asjoe: “E mucha mester siña hasi negoshi fo’ na skol. Por ehèmpel traha kos dushi bende i traha fli bende. E mucha mester haña desaroyo personal na skol pa lanta komo un hende serio ku balornan haltu. E mucha awe tin un biblioteka, pero e mester ta mas amplio i mas ekipa.”

 

Mas aleu Tjin Asjoe a atendé, ku bista riba e mucha, patrimonio kultural i natural di Boneiru. El a boga pa e mucha lanta den un Boneiru kaminda nos ta sigui kuida nos naturalesa, lanta den un Bonieru limpi i bunita, un Boneiru na unda nan por bai landa na unda nan ke, ku tur bich aksesibel. Lanta den un Boneiru unda nos no ta konstruí mas kant’i laman.

Tambe Tjin Asjoe a boga pa muchanan lanta den un Boneiru kaminda e sitionan kultural-históriko ta di Boneiru, manera Onima, Fontein, Washintong/Slagbai i te hasta parti di Bolivia. Un Boneiru ku e bario di Rincon a keda bon preservá, sin desaroyo den e área suit di Boneiru. Lanta den un Boneiru ku nos kultura, nos músika, nos kumindanan krioyo ta dominà.

Related posts

Awe 14 di febrüari 2021 tin 13 kaso aktivo di Covid-19 na Boneiru

EA News Author

Kon mi ta proponé un hende komo suidadano di honor pa dia di Boneiru

EA News Author

E di dos transporte di bakuna di Pfizer a yega ku KLM na Aeropuerto Flamingo

EA News Author

Leave a Comment