Bonaire

Boneiru lo ta presente na DEMA Show 2022 na Orlando, Florida

Bonaire Pavilion 2021

15 partner en total ta bai forma parti di ‘Bonaire Pavilion’

Tourism Corporation Bonaire (TCB) ta anunsiá ku Boneiru lo ta presente na e DEMA Show na Orlando, Florida. E DEMA Show di e aña akí ta tuma lugá for di 1  te 4 di novèmber 2022 den Orange County Convention Center.

TCB a prepará su mes riba e show di e aña akí huntu ku su partnernan na nos isla. E aña akí ‘Bonaire Pavilion’ tin en total 15 partner ku lo ta presente na e show: AB-Dive, Belnem House, BONHATA, Buddy Dive Resort, Captain Don’s Habitat, Chogogo Beach & Dive Resort, Courtyard by Marriott, Dive Friends Bonaire, Divi Flamingo Beach Resort, Grand Windsock, Plaza Beach & Dive Resort, Resort Bonaire, STINAPA, Tourism Corporation Bonaire i VIP Diving. 

Un biaha mas Bonaire Pavilion ta situá pegá ku e entrada prinsipal di e sala di ekshibishon, di manera ku bishitantenan, bendedónan i partnernan komersial ku ta bini e ekshibishon no por keda sin mira Bonaire Pavilion. Banda di esaki e aña akí Bonaire Pavilion ta haña un aparensia nobo ku Boneiru su ‘branding’ nobo. 

Bonaire Pavilion ta duna konsumidónan e oportunidat pa topa ku partnernan prosedente di nos isla i deskubrí e sitionan bírgen di Boneiru pa sambuyá ku ta pertenesé na e último sitionan ku ta berdaderamente bírgen.

Pa mas informashon bo por bishitá www.BonaireIsland.com òf manda un email na marketing@bonaireisland.com.

Dema Show 2022

Related posts

Awe 15 di febrüari 2021 tin 13 kaso aktivo di Covid-19 na Boneiru

EA News Author

More spread in the number of cruise ships with the 1 ship policy

EA News Author

Politieberichten van woensdag 23 oktober tot en met vrijdag 25 oktober 2024

EA News Author

Leave a Comment

Whatsapp Message