BonaireInternacional

Komunidat boneriano ta pèrdiendo konfiansa den su gobernashon

Daisy Coffie

Konsehal Daisy Coffie di Frakshon Coffie no ta niun tiki
kontentu so ku e rumbo ku Boneiru su gobernashon ta bayendo. Daisy Coffie: ‘Ta birando di
mas. Mal gobernashon ta na órden di dia. Awor e chèri riba e bolo ta ku nos propio gobièrnu
ta mina outoridat di su empleadonan públiko ku gobièrnu mes a enkargá ku e tarea di
mantenshon i supervishon di nos lei- i reglanan. Ta trata di lei- i reglanan ku nos mes a traha
pa asina nos tin un komunidat na òrdu di manera ku nos no ta konbertí Boneiru den un
repúblika di banana kaminda ken ku ke ta, ta hasi kiko ku ta, kon ku ta i ta sali ileso pasobra e
ta gosa di protekshon di nos mandatarionan ku gezaghèber na kabes. I netamente gezaghèber
ta esun ku a huramentá di pèrkurá pa kumpli ku nos leinan i pa kolmo gezaghèber ta esun
tambe ku tin e tarea di vigilá kumplimentu ku prinsipionan di bon gobernashon. E aktitut aki
visiblemente tin komunidat iritá, di manera ku den tur sektor bo ta skucha kehamentu i
ekspreshonnan fuerte di desaprobashon.’
No tin konfiansa mas
Segun konsehal Coffie mas i mas komunidat ta pèrdiendo konfiansa den e gobernashon pa
motibu ku gobièrnu mes ta kreando káos. ‘No tin rèspèt pa otro. Ta parse ku esnan ku kapital
mag hasi loke nan ke. Nos hendenan ta sinti nan deskriminá i ta eksperensiá diariamente ku nan
ta estranhero riba nan propio isla. E kaso di Chogogo Resort kaminda lo ta aplikando un
maneho di toleransia despues ku gezaghèber i un diputado lo a duna instrukshon pa esaki a i ta
lanta hopi stòf. Na unda integridat den gobernashon a keda. E desishon aki ta legal? Si e ta
legal, riba kua lei e ta basá? E ta kargá pa henter Kolegio Ehekutivo òf ta kestion di un egotrep
pa gobièrnu no kai tin atrobe, loke ta bolbe tapa e violashon fragante aki?’, asina Daisy Coffie ta
puntra su mes.
Kuenta i rason
Tur esaki ta motibu ku e konsehal ta haña ku mester bin un reunion públiko di Konseho Insular
ku karakter di urgensia pa Kolegio Ehekutivo bin splika i duna kuenta i rason di e manera di
proseder deskribí akí riba. ‘Komo representantenan di pueblo nos no por sinta man krusá i mira
e debakel akí sigui eskalá’, segun Daisy Coffie di Frakshon Coffie.

###################################################################

NED

Raadslid Daisy Coffie van Fractie Coffie:
Bonairiaanse gemeenschap verliest vertrouwen in bestuur

Raadslid Daisy Coffie van Fractie Coffie is helemaal niet blij
met de koers die het Bonairiaanse eilandbestuur is ingeslagen. Daisy Coffie: ‘Dit loopt de
spuigaten uit. Slecht bestuur is aan de orde van de dag. Als kers op de taart is het nu zo dat
ons eigen eilandbestuur de autoriteit van haar eigen ambtenaren ondermijnt die door het
eilandbestuur zelf zijn belast met de handhaving van en het toezicht op onze wet- en
regelgeving. Het gaat om wetten en regels die door onszelf zijn gemaakt om ervoor te zorgen
dat wij een solide samenleving hebben, zodat Bonaire niet verandert in een
bananenrepubliek waar de eerste de beste zomaar van alles kan doen en daar ongestraft mee
weg kan komen, omdat ze onder bescherming staan van onze bestuurders met de
gezaghebber aan het hoofd. En het is notabene de gezaghebber die een eed heeft afgelegd om
ervoor te zorgen dat onze wetten nageleefd worden en daar bovenop is het ook de
gezaghebber die belast is met het toezicht op het naleven van de algemene beginselen van
behoorlijk bestuur. Deze houding wekt zichtbare irritatie op in onze gemeenschap, waardoor in
alle sectoren klachten en krachtige geluiden van afkeuring gehoord kunnen worden.’
Vertrouwen is er niet meer
Volgens raadslid Coffie verliest de samenleving meer en meer het vertrouwen in het bestuur,
omdat de bestuurders zelf voor chaos zorgen. ‘Er is geen respect voor elkaar. Het lijkt wel alsof
degenen met kapitaal kunnen doen en laten wat ze willen. Onze mensen voelen zich
gediscrimineerd en ervaren dagelijks dat ze vreemdelingen zijn op hun eigen eiland. Het geval
Chogogo Resort waar een gedoogbeleid wordt toegepast nadat de gezaghebber en een
gedeputeerde hiervoor opdracht hebben gegeven heeft veel stof doen opwaaien. Heeft dit
besluit een wettelijke basis? Als het wettelijk toegestaan is, op grond van welke wet is dat dan?
Wordt het gedragen door het hele Bestuurscollege of is het weer een kwestie van egotripperij
om het eilandbestuur niet om te laten vallen, waardoor deze flagrante schending wordt
verdoezeld?’, zo vraagt Daisy Coffie zich af.
Tekst en uitleg
Dit zijn allemaal redenen waarom het raadslid vindt dat er een openbare
Eilandsraadvergadering met een urgent karakter opgeroepen moet worden, zodat het
Bestuurscollege tekst en uitleg komt geven over de manier van handelen zoals hierboven
omschreven. ‘Als volksvertegenwoordigers kunnen wij niet met de armen gekruist blijven zitten
en toezien hoe dit debacle verder escaleert’, aldus Daisy Coffie van Fractie Coffie.

Related posts

Lo cuminsa investigashon di keho durante hopi tempu despues di kontagio ku COVID-19

EA News Author

Siman di Periodismo na islanan BES lo tumaluga 16 pa 22 ougùstùs

EA News Author

KPCN reforsá ku 15 agente polisial nobo

EA News Author

Leave a Comment

Whatsapp Message