InternacionalFeatured

Ciudadano pega na Statia ta haya boet

Dollar

A pesar di un epoca di COVID, Servicio di Inmigracion y Naturalisacion (IND) ta imponiendo boetnan pisa di te cu  1200 dollar pa e bishitantenan cu bandona e isla via di e aeropuerto di St. Eustatius y cu a surpasa nan tempo legal di tres luna.

Siman pasa, un di e pasaheronan ey, Chris Russell,m pensionado y casa cu un ciudadano local, a wordo informa cu el a surpasa su 99 dianan legal y cu e boet di 800 dollar, sin recibo, tabata na su luga.

“Rond mundo millones di persona a wordo desplasa pa motibo di restriccionnan di biahe of ceramento di frontera debi na e pandemia,” Russell a bisa. “Ta pa e motibo ey cu mayoria di e gobiernonan, incluyendo esun di Reino Hulandes, a negocia pa suavisa e regulacionnan di visa cu casi tur e paisnan pa yuda e ciudanonan stranhero y Hulandes cu ta pega na algun parti di mundo. Sinembargo, e nivel di sentido comun y comprension no a yega na IND cu ta opera for di Boneiro y ta controla e islanan BES.”

“Mi vuelo original di regreso pa Europa a wordo cancela y como resultado di e Brexit, mi no por a bolbe Hulanda unda mi ta biba, debi na e prohibicion di biahe pa e ciudadanonan pafo di UE. Pues mi tabata atrapa.”

“Dialuna ultimo, oficina di IND na aeropuerto FDR tabata un desaster. Debi cu su colega di inmigracion a yega laat, e funcionario mester a controla esnan cu ta yega prome cu e por atende esnan cu ta saliendo. Esaki mientras cu Winair, a pesar di e promesanan no cumpli door di gobierno Hulandes, ta opera solamente algun vuelo pa siman.”

“Cu sonrisa riba su cara, e funcionario a ignora mi situacion, e no a kere mi y a wanta mi prisonero te na ultimo momento mientras cu e avion tabata sperando riba e pista.”

Ora cu a bira evidente cu Russell lo keda pega riba e isla, e oficina di IND di Statia na Cottageweg a sigur’e cu e mester simplemente splica su circunstancianan na aeropuerto y nan lo lague pasa. A bis’e tambe cu rond di 200 bishitante mas di Statia a haya nan mes den e mesun situacion y no por bolbe nan cas.

“Ta imposibel pa kere cu IND, maneha pa Ministerio di Husticia, mester wordo representa di un forma inhusto asina,” Russell a bisa. Y a agrega cu “e isla ta un joya cu bunita hendenan. Pero e actitud y actuacion asina no ta yuda e economia turistico local of cualkier otro hende.”

Related posts

Parlamentario Marco Berlis (MEP): Aruba no a haya aanwijzing pasobra nos ta riba e bon caminda

EA News Author

Tur parhner a bini hunto pa haci un proceso similacro pa evalua proceso pa atende cu traficacion y contraband di hende

EA News Author

Boneiro ta forma parti di Global Facilitator

EA News Author

Leave a Comment

Whatsapp Message