LocalFeatured

Colegio Pastoor Kranwinkela haya bishita di Prome Minister

Dsc09031

Prome Minister Evelyn Wever-Croes: 

“Kico cu bo haci den bida, ta e miho cu bo por ta y bo tambe por tin un parti di Betico den bo”  

Nos ta den e siman na unda cu Aruba ta recorda e balentia di un luchador incansabel cu a logra nos Status Aparte. Nos ta den momentonan of dianan na unda cu nos pueblo ta papia y conta di e gran Arubiano aki. Y na scolnan, esaki no ta diferente. Maestronan ta dedica oranan di dia ta siñando nos muchanan e storia di Betico Croes en conexion cu su fecha natal dia 25 di januari.  

Prome Minister diabierna 20 di januari mainta a bishita Colegio Pastoor Kranwinkel na Paradera. Premier di nos pais a wordo ricibi pa Cabesante Juffrouw Angeline Leung, demas docente y alumnonan hopi entusiamsa y contento cu su bishita na e scol. Despues tambe Prome Minister a wordo dirigi na klasnan 5 di Juffrouwnan Laura y Hanna na unda cu Premier a keda hopi impresiona cu e conocemento y interes cu muchanan di un edad jong asina tin den e storia di e gran ciudadano cu a logra Status Aparte pa Aruba.

“E muchanan tawata hopi entusiasma pa scucha e storia bunita di Betico. Nan a haya e flyers cu Gobierno a traha cu e quiz y entrega na e scolnan. Cada alumno tabata hopi bon na altura ken ta Betico y kico tur el a pasa den su bida”, Prome Minister a expresa. 

Na final Prome Minister a laga un mensahe pa e alumnonan di klas 5 di Colegio Pastoor Kranwinkel y pa tur mucha di Aruba: “Kico cu bo haci den bida, ta e miho cu bo por ta y bo tambe por tin un parti di Betico den bo”.  

Prome Minister ta gradici Colegio Pastoor Kranwinkel, cabesante y tur docente, e alumnonan y tur mayor expresando cu ta importante pa e muchanan aki carga den nan curason e amor cu Betico tabata tin pa Aruba.

Dsc09112 ScaledDsc09128 ScaledDsc09148 Scaled

Related posts

Reconoce naturalesa Caribense cu un solo klik cu ObsIdentify

EA News Author

Lider di fraccion di POR: Investigacion riba proyectonan di BO ARUBA ta na su luga

EA News Author

Parlamentario Steven Croes ta haci un bishita placentero na Art Week organisa dor di Kaya Kaya

EA News Author

Leave a Comment

Whatsapp Message