Aruba TurismoFeatured

A.T.A. tawata presente cu strategianan y campañanan di mercadeo pa keda presente den mente di e consumidor prome, durante pero tambe despues di e pandemia

Cmo A.t.a.

Segun CMO di A.T.A., Sanju Luidens, como Aruba su organisacion di mercadeo di destino, A.T.A. tawata presente cu strategianan y campañanan pa keda presente den mente di e consumidor prome, durante pero tambe despues di e pandemia.

Na 2022 diferente estudio a wordo conduci den e diferente mercadonan y a base di loke e consumidor kier y tendencianan a establece A.T.A. su strategia sigui pa tacticanan cu ta resulta den e diferente campañanan cu ta enfoca riba dje. 

Hopi importante pa tuma na cuenta ta cu e strategia di comunicacion di Aruba na tur momento ta tuma na cuenta e audiencia cu nos kier yega na dje pues e bishitante di ‘high value’ cu nos a bin ta papia di dje na varios ocacion.

Mercadeo tin diferente canal manera entre otro benta, relacionan publico, influencer marketing, social media etc.  na unda cu sigur nos ta zorg pa Aruba su nomber y imagen ta presente. 

Diferente campañanan riba e disciplina aki tambe ta wordo ehecuta na unda cu cobertura ta wordo ricbi unda Aruba ta keda “top of mind” di e consumidor.  E proposito principal di mercadeo ta pa posiciona e marca di Aruba y tur su atributonan pa sigura cu esakinan ta alinea cu e audiencia afluente. 

Un otro medio importante ta e website aruba.com cu ta semper ekipa cu contenido cu ta duna e consumidor informacion di kico Aruba ta ofrece como destino turistico. Especialmente durante e ultimo añanan aruba.com tawata un vehiculo hopi importante cu a sa di duna informacion valioso y di interes. 

Na banda di e medionan ya menciona tin e aspecto di “advertising” cual ta e inversion mas grandi di mercadeo na unda cu por medio di imagenan y campañanan ta posiciona y bende Aruba. Tur e medionan aki ta complimenta otro y ta sigura cu Aruba ta presente den e mercado.

Den 2022 a lansa ‘The Aruba Effect’ pa e mercadonan di Norte America y Europa y pa 2023 lo tin un continuacion di e campañanan aki, enfocando mas riba e sentimentonan di e bishitantenan. Esaki lo ta visibel den tur aspecto di mercadeo di Aruba. 

Pa e mercado di Latino America cu a tarda un poco mas pa recupera mirando cu a tarda mas pa habri bek tambe despues di pandemia tambe lo tin campañanan y activacionnan nobo, tambe enfocando riba sentimentonan cu Aruba ta dun’abo. A.T.A. lo sigui comparti e campañanan pa asina e comunidad local por wak kico A.T.A. ta haciendo den exterior. 

The Aruba Effect

Related posts

Pa loke ta trata e prome kwartaal di 2021: Februari lento y maart recuperacion mas fuerte

EA News Author

Tantu lider di PAR komo Luigi mester buska lomba di kanapé pa subi

EA News Author

Boneiro a gana Corsou den wega amistoso riba nan veld completamente nobo na Rincon

EA News Author

Leave a Comment

Whatsapp Message